Barewa ba ta gudu: Yaron da Ngozi Okonjo-Iweala ta haifa, ya kafa tarihi a Duniyar kiwon lafiya

Barewa ba ta gudu: Yaron da Ngozi Okonjo-Iweala ta haifa, ya kafa tarihi a Duniyar kiwon lafiya

  • Dr. Uchechi Iweala ya shiga cikin littafan tarihi bayan wani aiki da ya yi a cikin kashin gadon-baya
  • Uchechi Iweala yana cikin likitocin farko da suka fara yin irin wannan aiki a asibitocin Maryland
  • Tsohuwar Ministar kudin Najeriya, Dr. Ngozi Okonjo-Iweala ce ta hafi wannan kwararren likitan

United States - Dr. Uchechi Iweala wanda ‘da ne a wurin Dr. Ngozi Okonji-Iweala ya kafa sabon tarihi a birnin Maryland da ke kasar Amurka.

BBC tace Ngozi Okonjo-Iweala ta taya yaron na ta murnar zama daya daga cikin likitocin farko a Maryland da ya yi wa mutum aiki a gadon baya.

Tsohuwar Ministar Najeriyar wanda yanzu ta ke shugabantar kungiyar kasuwanci na Duniya, WTO, ta fito tana alfahari da Dr. Uchechi Iweala.

Read also

Gwamnatin nan ba ta san hanyar magance halin da kasa ke ciki ba – Soyinka ya kawo shawara

A ranar Alhamis, 28 ga watan Oktoba, 2021 ta tabbatar da wannan rahoto, tace yaronta ya fede wani Bawan Allah, ya yi masa ciko a kashin baya.

Yaron da Ngozi Okonjo-Iweala ta haifa
Uchechi Iweala da Okonjo-Iweala Hoto: punchng.com
Source: UGC

Maganar Ngozi Okonjo-Iweala

“Ina taya murna ga Dr. Uchechi Iweala, wanda ya zama daya daga cikin likitocin farko a Maryland da suka yi fida, suka gyara kashin gadon-baya ta hanyar amfani da mutum-na'ura.”
“Ina alfaharin zama mahaifiyarka! A cigaba da bada himma!” - Ngozi Okonjo-Iweala.

Jaridar Punch tace tsohuwar Ministar tattalin arzikin na Najeriya ta wallafa hotunan Uchechi Iweala a asibiti a lokacin da yake tsakar wannan fida.

Wanene Dakta Uchechi Iweala?

Rahoton ya bayyana cewa Dr. Iweala kwararren likita ne wanda ya yi suna wajen gyara kashin baya a cibiyar aiki ta kashi da ke Maryland, kasar Amurka.

Read also

Yan sanda sun damke wani mutumi kan laifin turawa matar aure sakon "Inakwana Baby"

Dr. Iweala ya yi digirinsa na farko da na biyu a ilmin likitanci a jami’ar nan ta Harvard, sannan ya kammala karatun kwarewa a jami’ar George Washington.

Dr. Iweala ya kware a aiki a gadon-baya a jami’ar birnin New York. Likitan yana iya yin ciko a kashin baya, ko ya yi aiki cikin lakar ba tare da an ji zafi ba.

Za a damkawa Amurka Abba Kyari?

Sufetan ‘Yan Sanda na kasa, Usman Alkali Baba, yace ba shi da labarin Amurka ta bukaci a damka mata Abba Kyari kamar yadda ake ta yada jita-jita.

IGP yace shi ma a kafafen sadarwa ya ji wannan labari, yace babu irin wannan rokon a gabansa.

Source: Legit

Online view pixel