Usyk ya doke ‘Dan damben Najeriya, Anthony Joshua, ya rasa $15m da kambun Duniya
- Anthony Joshua ya yi magana game da damben da ya yi da Oleksandr Usyk
- AJ yace nan gaba za su sake hadu wa da ‘dan wasan da ya karbe masa kambu
- A dambensa da Usyk, Anthony Joshua yace sai da ta kai idanunsa sun rufe
UK - Punch ta rahoto tsohon gwarzon WBA, IBF, da WBO, Anthony Joshua, yana cewa ya koyi darasi a fadan da ya yi da Oleksandr Usyk, inda ya sha kashi.
‘Dan damben kasar Ukraine, Oleksandr Usyk ya doke Anthony Joshua a gwabzawar da suka yi a babban filin wasa na Tottenham Hotspur da ke birnin Landan.
Jaridar tace Usyk ya samu nasara 117-112, 116-112, da 115-113 a kan Joshua a ranar Asabar. Rahotanni sun ce hakan ya sa Joshua ya rasa Dala miliyan 15.
Da yake bayanin yadda ya sha kashi a hannun abokin damben na sa, Anthony Joshua yace da aka je zagaye na tara, sai ta kai idanuwansa ba su iya ganin komai.
An rahoto AJ yana cewa zai yi tanadi da kyau, ya kara samun horo domin ya sake hadu wa da abokin fadan na sa, yace idanunsa ba su taba rufe wa a dambe ba.
Asali: Getty Images
Akwai wani jikon
“Ina taya wanda ya yi nasara murna. Za mu sake hadu wa. A koma bakin aiki. Zagaye 12 sun yi kyau, na dauki darasi a filin dambe.”
“Za mu cigaba daga inda aka tsaya, nan ba da dade wa ba za mu sake gwabza wa.”
“Ta kai ban iya gani a zagaye na tara, na daina ganin komai. Amma dai na dauki darasi ko a cikin runtsi, dole ne ka rike kanka.”
“Wannan ne karon farko da idanuna suka rufe a wurin fada. Da ido daya na koma kallo. Amma daga baya abubuwa sun farfado.”
AJ yace zai yi kokari ya gyara kura-kuransa idan sun sake hadu wa, a cewarsa ba ta abokin fadarsa yake ba, ya fi damu wa da toshe kafar da ya bari a dambensa.
Ronaldo yana karbar albashi mai tsoka
Kwanakin baya ku ka ji Cristiano Ronaldo ya zama ‘dan wasan kwallon kafan da ya fi kowa karbar albashi mai yawa a kasar Ingila, bayan komawarsa Ingila.
Kungiyar Man United za ta rika biyan Cristiano Ronaldo kusan Naira miliyan 38 a kullum.
Asali: Legit.ng
