Taliban ta kafa Gwamnati da Ministoci 33, Afghanistan ta tabbata Daular Musulunci

Taliban ta kafa Gwamnati da Ministoci 33, Afghanistan ta tabbata Daular Musulunci

  • Mullah Mohammad Hassan Akhund ya zama Firayim Minista a kasar Afghanistan
  • Sabon shugaban ya yi aiki a tsohuwar gwamnatin Taliban tsakanin 1996 zuwa 2001
  • Kakakin Taliban ya sanar da nadin Ministoci har 33, amma babu wata mace ko daya

Afghanistan - Kungiyar Taliban ta ayyana kasar Afghanistan a matsayin Daular Musulunci, ta kafa gwamnati a karkashin Mohammad Hassan Akhund.

Aljazeera tace Mullah Mohammad Hassan Akhund ne sabon Firayim Ministan kasar. Kafin yanzu ya dade a majalisar Shura, kuma yana cikin manyan Taliban.

A lokacin da Taliban ta yi mulki, Mohammad Hassan Akhund ya rike kujerar Ministan harkokin kasar waje, daga baya ya zama mataimakin Firayim Minista.

An fitar da sunayen Ministoci

Rahoton yace mai magana da bakin Taliban, Zabihullah Mujahid ya fitar da jawabi, ya sanar da nadin mukaman a ranar Talata, 7 ga watan Satumba, 2021.

Read also

Da Duminsa: Taliban da sanar da sabon shugaba da sabbin ministoci

“Mun san mutanen kasarmu suna ta jira mu kafa sabuwar gwamnati.”

Abdul Ghani Baradar ya zama mataimakin shugaba, yayin da aka nada Sirajuddin Haqqani a matsayin Ministan cikin gida duk da cewa FBI tana neman shi.

'Yan Taliban
Manyan gwamnatin Afghanistan Hoto: www.reuters.com
Source: UGC

Sabon Ministan tsaro shi ne Mullah Mohammad Yaqoob. Hedayatullah Badri zai rike Ministan kudi.

Ministan riko na harkokin kasar waje shi ne Amir Khan Muttaqi. Mullah Abdul Ghani Baradar da Mullah Abdul Salam Hanafi sune mataimakan Firayin Ministan.

Jaridar Hindustani Times ta kasar waje, tace a cikin duka wadannan mutane fiye da 30 da aka nada a sabuwar gwamnatin Afghanistan, babu wata mace ko daya.

Amurka tace tana sa ido da kyau a game da abubuwan da suke faru wa a kasar, ganin yadda aka dauko wasu masu kashi a jikinsu, aka ba su mukamai masu tsoka.

Read also

Isa Pantami ya zama Farfesan Jami'a yana rike da kujerar Ministan Gwamnati a Najeriya

Mahaifin Sirajuddin Haqqani shi ne ya kirkiri kungiyar nan ta Haqqani. Shi kan shi sabon Ministan, ana zargin cewa yana da alaka da ‘yan ta’addan Al-Qaeda.

Sauran Ministocin sune:

Mawlawi Noor Mohammad Saqib

Qari Din Hanif

Mawlawi Abdul Hakim Sharie

Mullah Noorullah Noori

Mullah Mohammad Younus Akhundzada

Mullah Abdul Manan Omari

Mullah Mohammad Esa Akhund

Mullah Abdul Latif Mansoor

Mullah Hamidullah Akhundzada

Abdul Baqi Haqqani

Najibullah Haqqani

Khalilurahman Haqqani

Darektocin riko na tsaro, babban banki da gudanarwa:

Abdul Haq Wasiq

Haji Mohammad Idris

Ahmad Jan Ahmady

A makon nan mun samu labari cewa ‘yan kungiyar Taliban sun fara kawo wasu canji musamman a hakar ilmi, bayan sun sake karbe mulkin Afghanistan.

Rahotanni sun ce yayin da dalibai suka fara rage yawa a makarantun kasar Afghanistan, Taliban tana raba mata da maza a aji domin hana mu'amala a jami'o'in kasar.

Read also

Sheikh Ahmad Gumi ya je garin Fulani don wa'azi da raba musu littafan addini

Source: Legit

Online view pixel