Kyakkyawar budurwa ta ciri Tuta a jami'ar jihar Gombe, ta karya tarihi

• Wata 'yar Najeriya ta zama abin alfahari ga iyayenta bayan karya tarihi a jami'arta
• Halima ta samu lambobin yabo guda tara duk a lokaci guda
• Mutane da dama sun tofa albarkatun bakinsu kan nasarar da budurwar ta samu

Wata 'yar Najeriya, Halima Yayajo, ta samu gagarumin nasara a jami'ar jihar Gombe, inda ta zama zakarar shekara a fannin ilmin Likitanci.

Wata mai suna Fadilat Idris, ta bayyana hakan a shafinta na Facebook inda ta daura hotunan lambobin yabon da Halima ta samu da kuma hoton bikin yayesu.

KU KARANTA: Za'a fita duba watan Zhul-Hajji ranar Juma'a a kasar Saudiyya

Ta lashe komai

Halima ta samu lambobin yabo guda tara a fannoni daban-daban na karatun koyon Likitanci.

Ta zama zakara a fannin medical biochemistry, histopathology, community medicine, clinical pharmacology, obstetrics & gynecology, ENT, da anaesthesia.

Hakazalika aka alanta ta a matsayin dalibar Likitanci da tayi zarra cikin dukkan sauran daliban tsangayar Likitanci.

DUBA NAN: Ba zan bari ’yan bindiga su samu gindin zama a Bauchi ba - Bala Mohammed

Yar Buhari ma ta yi digirgir

Hanan ‘yar shugaban kasa Muhammadu Buhari, ta samu digiri na biyu a fannin daukar hoto.

Bayo Omoboriowo, mai daukar hoto na musamman ga shugaba Buhari ne ya sanar da hakan a wani hoton bidiyo inda yake taya ta murna.

Ba a bayyana ko wace jami'a ce ta kammala digirin ba amma faifan bidiyon ya nuna tana tafe kan dandamali tare da wasu fararen malamanta da ke ba ta lambar yabo.

Asali: Legit.ng