Yanzu-Yanzu: An ji ƙarar harbe-harben bindiga a yayin da Fayose ke barin wurin taron PDP a Osun

Yanzu-Yanzu: An ji ƙarar harbe-harben bindiga a yayin da Fayose ke barin wurin taron PDP a Osun

Mutane sun shiga hargista a wurin taron jam'iyyar Peoples Democratic Party (PDP) reshen yankin Kudu maso yamma da aka gudanar a Osogbo babban birnin jihar Osun a a ranar Litinin, The Nation ta ruwaito.

Lamarin ya faru ne misalin karfe 6.45 na yamma a lokacin da wasu da ake zargin yan bindiga suka matsa kuda da kofar shiga wurin taron na WOCDIF event centre suka yi kokarin kutsawa.

DUBA WANNAN: El-Rufai ya bayyana dalilansa na rage ma'aikata a Kaduna

Yanzu-Yanzu: An ji karar harbe-harben bindiga a yayin da Fayose ke barin wurin taron PDP a Osun
Yanzu-Yanzu: An ji karar harbe-harben bindiga a yayin da Fayose ke barin wurin taron PDP a Osun
Source: Original

Tsohon gwamnan jihar Ekiti, Ayodele Fayose yana daf da barin wurin taron ne sai yan daban suka yi yunkurin kustawa cikin wurin taron.

KU KARANTA: Yanzun nan: An kawo gawarwakin sojoji 12 makabarta don musu jana'iza a Benue

Jami'an tsaro sun dakile yunkurin kutsen da taimakon kwamishinan rundunar yan sandan jihar Osun, Olawole Olokode da wasu jami'an.

Jami'an tsaro sun ta yin harbe-harbe a sama domin fatattakar yan daban.

Jami'an tsaro sun fice da Fayose cikin wata mota kirar Jeep mai bakaken gilashi ba tare da wani abu ya same shi ba.

A bangare guda kun ji cewa gwamnatin Jihar Kano ta rage albashin masu rike da mukaman siyasa a jihar da kashi 50 cikin 10 na watan Maris saboda karancin kudade, Vanguard ta ruwaito.

Kwamishinan labarai na jihar, Muhammad Garba, ne ya bayyana wa manema labarai hakan a ranar Talata inda ya ce hakan ya faru ne saboda kudin da jihar ke samu daga gwamnatin tarayya a ragu.

Kwamishinan ya ce matakin ta shafi gwamna, mataimakinsa da dukkan masu rike da mukaman siyasa a jihar da suka hada da kwamishinoni, masu bada shawara na musamman, manyan masu taimakawa da masu taimakawa na musamman da sauransu.

Source: Legit

Tags:
Online view pixel