Yanzu-Yanzu: Bidiyo da Hotunan Gobarar Da Ta Tashi Kusa Da Masallacin Annabi a Madina

Yanzu-Yanzu: Bidiyo da Hotunan Gobarar Da Ta Tashi Kusa Da Masallacin Annabi a Madina

- Gobara ta tashi a wasu gine-gine da ke kusa da masallacin Annabi Muhammad (SAW) a birnin Madina

- Shafin Haramain Sharifain ya ruwaito cewa an yi nasarar kashe gobarar cikin kankanin lokaci

- Kawo yanzu hukumomi ba su bayyana abinda ya yi sanadin tashin gobarar ba ko abubuwan da aka rasa

Gobara ta tashi a wasu gine-gine da ke kusa da masallacin Annabi Muhammadu (SAW) a birnin Madina da ke kasar Saudiyya, kamar yadda shafin @hsharifain ya ruwaito.

Shafin Haramain Sharifain a Twitter ya wallafa wasu hotuna da bidiyon da ke nuna wasu gine-gine na ci da wuta tare da hayaki da ya turnuke saman ginin masallacin mai daraja.

DUBA WANNAN: Bidiyon Tinubu Ya Yanke Jiki Ya Faɗi a Arewa House Ya Janyo Maganganu

Yanzu-Yanzu: Bidiyo da Hotunan Gobarar Da Ta Tashi Kusa Da Masallacin Annabi a Madina
Yanzu-Yanzu: Bidiyo da Hotunan Gobarar Da Ta Tashi Kusa Da Masallacin Annabi a Madina. Hoto: @hsharifain
Source: Twitter

Kawo yanzu ba a sanar da ainihin abinda ya yi sanadin tashin gobarar ba amma shafin na Haramain yace an yi nasarar kashe wutar nan take.

Ga hotunan da bidiyon a kasa:

KU KARANTA: Nasara Daga Allah: Bidiyon Makaman Da Sojoji Suka Ƙwato Bayan Kashe Ƴan Boko Haram 48 a Borno

Ba a kuma bayyana abubuwan da suka kone sakamakon gobarar ba.

A wani rahoton daban, kun ji cewa Jami'an Hukumar Hisabah ta jihar Kano sun gargadi daliban Jami'ar Bayero da ke Kano wadanda ke zaune a gidajen da ke wajen makaranta su kauracewa aikata ayyukan masha'a, Vanguard ta ruwaito.

Hakan na zuwa ne bayan kama wasu dalibai mace da namiji a cikin daki guda a wani gida kwanan dalibai da ke kusa da kusa da jami'ar.

Jami'an na Hisbah sun kuma ce za a ci tarar N20,000 ga duk wani dalibi namiji da mace da aka kama su a daki guda kamar yadda majiyoyi suka shaidawa SaharaReporters

Source: Legit.ng

Tags:
Online view pixel