Buhari zai kaddamar da ginin layin dogon Kano-Maradi, Kano-Dutse

Buhari zai kaddamar da ginin layin dogon Kano-Maradi, Kano-Dutse

- Bayan kammala Lagos-Ibadan, za'a fara ginin layin dogo daga Kano zuwa Maradi

- Shugaba Buhari ya rattafa hannu kan yarjejeniyar ginin layin dogon tsakanin Najeriya da Nija

- Wannan shine na biyu da za'ayi a yankin Arewacin Najeriya

Gwamnatin shugaba Muhammadu Buhari ta sanar da ranar kaddamar da ginin layin dogo daga jihar Kano zuwa Maradi a jamhurriyar Nijar, da kuma Kano zuwa Dutse a jihar Jigawa.

A cewar Ministan sufuri, Chibuike Rotimi Amaechi, Buhari da kansa zai kaddamar da fara ginin ranar Talata 9 ga watan Febrairu, 2021.

Amaechi ya sanar da haka a shafinsa na Tuwita.

"Muna farin ciki sanar da kaddamar da ginin layin dogon Kano-Maradi, Kano-Dutse ranar Talata," yace.

"Shugaban kasanmu, Muhammadu Buhari zai kaddamar. An fara aiki."

DUBA NAN: Hukumar yan sanda ta sanar da kyautar N10m ga duk mutumin da ya iya bayyana inda wasu masu laifi suke

Buhari zai kaddamar da ginin layin dogon Kano-Maradi, Kano-Dutse
Buhari zai kaddamar da ginin layin dogon Kano-Maradi, Kano-Dutse
Asali: Original

KU DUBA: Gwamnatin Kano ta kai Sheikh AbdulJabbar Kotu, ta samu izinin kulle Masallacinsa da hanashi wa'azi

A bangare guda, gwamnatin tarayyar Nigeria, FG, ta sanar da fara tattaunawa da wakilar kungiyoyin kwadago a kan yadda za a kara kudin dakon man fetur daga N7.51 zuwa N9.11 duk lita.

Wannan tsarin na nufin karin kashi 21.30 cikin dari a kudin dakon man fetur din.

An bada wannan sanarwar ne bayan taron kungiyar masu motocin haya na kasa da ake yi a Zuma Rock Resort, a babban titin Abuja zuwa Kaduna, The Punch ta ruwaito.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Online view pixel