Yanzu-yanzu: Dan majalisa, Hernan Hembe, ya sauya sheka jam'iyyar APC
- Jam'iyyar APC ta samu karuwa a majalisar wakilan tarayya
- Tsohon dan cikinta, Herman Hembe, ta koma bayan nisan kiwon da yayi
- Tuni dai shugaban kwamitin rikon kwaryan APC, Mai Mala Buni yace PDP zata tsorata da irin mutanen da zasu koma jam'iyyar
Dan majalisar wakilan tarayya, Herman Hembe, mai wakiltar mazabar Vandeikya/Konshisha ta jihar Benue, ya sauya sheka daga jam'iyyar All Progressives Granda Alliance APGA, zuwa jam'iyyar All Progressives Congress APC.
Majalisar wakilai ta bayyana hakan a shafinta na Tuwita ranar Talata, 8 ga Disamba, 2020.
Herman Hembe ya kasance dan APC a baya kafin kotu ta tunbukeshi daga kujerar majalisa ta mikawa abokin hamayyarsa, Dorathy Mato a shekarar 2017.
Bayan haka ya koma jam'iyyar APGA inda ya sake takara a zaben 2019 kuma yayi nasara.
Hembe ya shiga sahun yan majalisan da suka koma jam'iyyar APC kwanakin nan.
KU KARANTA: 2023: Jam'iyyar APC ta sahalewa Umahi, Dogara da wasu tsayawa takara
Asali: UGC
A makon karshe na watan Nuwamba, Sanata mai wakiltar Adamawa ta Arewa, Elisha Ishaku Abbo, ya sauya sheka daga PDP zuwa APC.
Ishaku Elisha Abbo, ya bayyana cewa ya sauya daga jam'iyyar People’s Democratic Party (PDP) domin yayi takara a zaben gwamnan 2023.
Hakazalika a jiya, Sanata Nyako ya sauya sheka daga jam'iyyar African Democratic Congress ADC zuwa APC.
KU DUBA: Yanzu-yanzu: Zan bude boda nan ba da dadewa ba, Buhari
Domin sauke manhajar labaran Legit.ng a wayar ku ta hannu, latsa wannan rubutu na kasa:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
