Labarai

Hotunan dankareriyar doya da aka girbe a Anambra wacce ta mamaye mota daya

Laraba, Disamba 02, 2020 at 9:24 Yamma daga Mudathir Ishaq 2 - tsawon mintuna

- Wani mutum mai suna Osita Amakeze, ya wallafa hotunan wata katuwar doya

- A cewarsa, an shuka doyar a wata gona da ke kauyen Agulu a jihar Anambra

- Mutane da dama sun yi ta mamakin irin wannan katuwar doya, mai ban sha'awa

Wani mutum mai suna Osita Amakeze, ya wallafa hotunan wata dankareriyar doya a ranar Laraba, 2 ga watan Disamba wacce yace an nomata a kauyen Agulu, jihar Anambra.

A cewarsa, wannan doyar suke kira "ofu ji a ne-eme offload". Bayan ya wallafa hotunan doyar ne mutane da dama suka yi ta mamaki, kuma suna yaba wa girman doyar.

Dama a shekarar da ta gabata, ya wallafa hotunan wata doya wacce yace abokinsa ne ya noma ta. A cewarsa, doyar tana da nauyin 153.10 kuma duk kauyen su babu doya mai girmanta.

KU KARANTA: Gowon: Majalisar wakilai ta yi kiran gaggawa ga jakadan Birtaniya a Najeriya

Hotunan dankareriyar doya da aka girbe wacce dan achaba baya iya daukarta. Hoto daga @OsitaAmakeze
Asali: Twitter

Mutane da dama sun yi ta tsokaci iri-iri a kan doyar, har wani Izuchuxy yana cewa: "Menene sirrin? Wacce iriyar doya ce wannan? Mutane nawa ne suka taimaka wurin nomata? A gaskiya wannan dankareriyar doya ce."

KU KARANTA: Karuwar yawan masu HIV a Najeriya: UNFPA ta bayyana wadanda abun ya fi shafa

Wani Chabalus16 ya ce: "Wannan daya ne daga cikin abubuwan da nafi so idan nayi tafiya kauye don shagalin kirsimeti. Har na kosa inje in taya kakata hako doyarta."

Wani ccebuka kuwa cewa yayi: "Ban taba ganin katuwar doya irin wannan ba. Don Allah, menene sirrin?"

A wani labari na daban, a ranar Talata, kungiyoyin hadin kan arewa sun ce kashe-kashen da ake yi a arewacin Najeriya alama ce da ke nuna kuri'un da 'yan arewa suka kada wa shugaba Muhammadu Buhari a 2015 da 2019, sun zama asara.

A cewarsu, wannan harin da aka kai wa manoman jihar Borno, wadanda basu ji ba basu gani ba, alama ce wacce ta nuna cewa 'yan arewa sun yi kuskuren zabar Buhari.

A Wata takarda da kakakin kungiyar, Abdulazeez Suleiman ya gabatar, ya ce yanzu Buhari ya zurawa 'yan arewa ido har rashin tsaro, talauci da mulkin kama-karya yayi ajalinsu gabadaya.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Anambra