An sanar da rasuwar tsohon Gwamnan Jihar Ondo Bamidele Olumilua
- Tsohon gwamna Bamidele Olumilua ya cika ya na da shekara 80
- Tsohon gwamnan Ondon ya mutu ne a gidansa da ke jihar Ekiti
- Bamidele Olumilua ya yi mulki tsakanin shekarar 1992 da 1993
Cif Bamidele Olumilua, wanda ya yi mulki a tsohuwar jihar Ondo ya rasu. Marigayin ya bar Duniya ya na da shekaru kimanin 80 da haihuwa.
Bamidele Olumilua shi ne gwamna na goma a jeringiyar wadanda su ka yi mulki a Ondo. Olumilua ya mulki jihar ne tsakanin 1992 da 1993.
Kamar yadda mu ka samu labari, jaridar The Tribune ce ta fara fitar da rahoton mutuwar wannan dattijon ‘dan siyasan a yau 4 ga watan Yuni, 2020.
Babban ‘Dan marigayin, Muyiwa Olumilua ya bada sanarwar mutuwar tsohon. Olumilua kwamishina ne na watsa labarai a gwamnatin Ekiti.
KU KARANTA: Hukumar 'Yan Sanda ta PSC ta rasa wani daga cikin Jami'an ta
Asali: UGC
Kwamishinan yada labarai da ziyarar buda ido na gwamnatin Fayemi ya bayyana cewa mahaifin na su ya mutu ne a farkon yau Alhamis a gida a Ekiti.
Cif Olumilua ya na cikin wadanda su ka lashe zaben da gwamnatin sojan Janar Ibrahim Badamasi Babangida ta shirya a farkon shekarar 1992.
Olumilua ya dare mulki ne a karkashin jam’iyyar SDP inda ya doke ‘dan takarar NRC. A shekarar 1993 ne Janar Sani Abacha ya sauke duka gwamnoni.
Olumilua ya karbi mulki ne a hannun Sunday Abiodun Olukoya. Bayan gajeren wa’adin da ya yi, ya dawo siyasa a 1999 inda ya shiga jam’iyyar PDP.
Marigayin ya rike mukami a gwamnatin jam’iyyar PDP, amma daga baya ya sauya-sheka. Kafin rasuwarsa, jam’iyyar siyasar karshe da ya yi ita ce AC.
KU KARANTA: Yadda za ka rika samun labaran Legit.ng Hausa a shafinka
Idan ku na da wata shawara ko bukatar bamu labari, tuntube mu a: labaranhausa@corp.legit.ng
Latsa wannan domin samun sabuwar manhajar labarai ta Legit.ng Hausa a wayar ku ta hannu:
https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Asali: Legit.ng
