Labarai

Edo da Ondo: APC ta fitar da farashin fom din takarar gwamna da na mataimaki

Laraba, Mayu 20, 2020 at 2:56 Yamma daga Mudathir Ishaq 2 - tsawon mintuna

Jam'iyyar APC mai mulki ta ce ma su son yin takarar gwamna a zaben da za a yi ranar 19 ga watan Satumba da 10 ga watan Oktoba a jihohin Edo da Ondo za su biya miliyan N22.5 a matsayin kudin fom din takara.

A cikin sanarwar da sakataren tsare - tsaren APC, Emma Ibediro, ya fitar a Abuja ranar Laraba, jam'iyyar ta ce za ta fara sayar da fom ga ma su sha'awar takara gabanin gudanar da zaben cikin gida na fidda dan takara.

A cewar Ibediro, jam'iyyar APC za ta fara sayar da fom din takarar gwamna a jihar Edo daga ranar 20 ga watan Mayu zuwa ranar 2 ga watan Yuni, yayin da za ta fara sayar da na takarar gwamna a jihar Ondo daga ranar 11 ga watan Yuni zuwa ranar 1 ga watan Yuli.

A cikin watan Fabrairu ne hukumar zabe mai zaman kanta ta kasa (INEC) ta tsayar da ranar 19 ga watan Satumba da ranar 10 ga watan Oktoba a matsayin ranakun gudanar zabe a jihohin Edo da Ondo.

Sakatarn tsare - tsaren ya ce za a sayar da fom din takarar gwamna a kan N22.5m a dukkan jihohin, ba tare da banbanci a farashin ba.

Edo da Ondo: APC ta fitar da farashin fom din takarar gwamna da na mataimaki — Adams Oshiomhole; shugaban jam'iyyar APC na kasa
Asali: Depositphotos

A cewarsa, kudin sun hada da miliyan N2.5 kudin nuna sha'awar takara da miliyan N20 kudin fom din takara.

DUBA WANNAN: 'Kar ka bari a yi Sallar Idi a Kaduna' - Sheikh Gumi ya shawarci El-Rufa'i

"Babu banbancin farashi a tsakanin fom din takarar gwamna da na mataimaki.

"Mata da ma su bukata ta musamman da ke sha'awar yin takara za su biya kaso 50 na adadin kudin," a cewar sanarwar.

Mista Ibediro ya ce za a biya kudin fom din a asusun bankin uwar jam'iyya.

Kamfanin dillancin labarai na kasa (NAN) ya rawaito cewa jam'iyyar APC za ta gudanar da zaben fidda dan takarar kujerar gwamnan jihar Edo a ranar 22 ga watan Yuni, yayin da za ta yi na jihar Ondo a ranar 20 ga watan Yuli.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

APC Jihar Edo Jihar Ondo Siyasar Najeriya