Buhari ya sake sayo ma rundunar Sojan sama sabbin jiragen yaki (Hotuna)

Buhari ya sake sayo ma rundunar Sojan sama sabbin jiragen yaki (Hotuna)

Rundunar mayakan Sojan kasa ta sanar da amsan wasu sabbin jiragen yaki guda biyu da kirar, Agusta 109 Power Attack, da gwamnatin Najeriya a karkashin jagorancin shugaban kasa Muhammadu Buhari ta sayo musu.

Legit.ng ta ruwaito kaakakin rundunar, Ibikunle Daramola ne ya bayyana haka a ranar Litinin yayin ganawa da manema labaru a babban birnin tarayya Abuja, inda yace a yanzu haka injiniyoyin rundunar suna harhada jiragen don rantsar dasu a ranar 27 ga watan Afrilu.

Buhari ya sake sayo ma rundunar Sojan sama sabbin jiragen yaki (Hotuna)

Jiragen
Source: Facebook

KU KARANTA: Aikin ashsha! Yadda Uwargida ta halaka Maigidanta da wuka a jahar Kebbi

Kaakaki Daramola yace babban hafsan Sojan sama, Air Marshal Saddique Abubakar ne ya tabbatar da shigo da jiragen biyu yayin da yake jawabi a bikin liyafar cin abinci daya shirya ma dakarun rundunar Soja same dake yaki da Boko Harama a garin Maiduguri, don murnar bikin Easter.

Buhari ya sake sayo ma rundunar Sojan sama sabbin jiragen yaki (Hotuna)

Jiragen
Source: UGC

Saddique ya bayyana cewa duba da irin gudunmuwar da shugaban kasa Muhammadu Buhari ke baiwa rundunar, tare da hadin kan majalisar dokokin kasar, yana sa ran zasu cigaba da samun sabbin kayan aiki, tare da samar da horo ga jami’ansu.

Sadiqque ya shirya wannan liyafar ce a ranar Litinin, 22 ga watan Afrilu a garin Maidugurin jahar Borno, inda aka ci abinci mai rai da lafiya tare da nama iya nama, aka kuma sha kayan shaye shaye da tande tande, sa’annan aka nishadantu da dadadan wakokin bare bari.

Buhari ya sake sayo ma rundunar Sojan sama sabbin jiragen yaki (Hotuna)

Jiragen
Source: Facebook

Kaakakin ya kara da cewa Saddique na amfani da wannan dama don gode ma Sojojinsa, tare da jinjina musu bisa kokarin da suke yi wajen yaki da ta’addanci a yankin Arewa maso gabas, sa’annan yace irin wanna taro na dauke ma Sojojin kewar rashin iyalansu a kusa.

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Source: Legit.ng

Mailfire view pixel