Manyan abubuwan da watakila ba ka sani ba game da Ganduje

Mun kawo maku wasu abubuwa na musamman daga cikin tarihin gwamnan Kano Abdullahi Ganduje wanda kwanan nan ne ya samu zarcewa a kan mulki a zaben da ya kawo ce-ce-ku-ce a Najeriya. Ganduje ya doke ‘Dan takarar PDP Abba Yusuf.

Tun fiye da shekaru 20 da su ka wuce Abdullahi Ganduje ya fara haduwa da Mai gidan sa watau Rabiu Kwankwaso wanda yanzu rikici ya kaure a tsakanin su. Ga kadan daga cikin abubuwan da su ka shafi gwamnan na jihar Kano mai mulki a APC.

1. Shekaru

Mai girma Gwamna Abdullahi Umar Ganduje yana cikin gwamnonin da su ka zarce kowa shekaru a Najeriya. A shekarar nan ne Gwamnan na jihar Kano zai cika shekaru 70 da haihuwa a Duniya.

2. Karatu

A bangaren karatu, za kuma a samu Gwamna Abdullahi Ganduje a gaba. Ganduje yayi karatun boko da addinin musulunci a Kano. A 1973 ne ya shiga Jami’ar Ahmadu Bello ta Zariya inda ya samu Digirin farko.

KU KARANTA: Bidiyon yadda Mutanen cikin Birnin Kano su ke tarbar Ganduje da ature

Bayan yayi Digiri a bangaren koyar da kimiyya, Ganduje ya koma yayi Digirin Masters a Jami’ar Bayero ta Kano a harkar malanta. Ganduje ya sake komawa Zariya domin samun Digir-gir na MPA.

Bayan shekaru 8 ne Gwamna Abdullahi Ganduje ya samu shaidar Digir-digir na Daktan Boko watau PhD a Jami’ar Ibadan a 1993. Ganduje yayi karatu har ya kware ne a harkar sha’ani da tsarin shugabanci.

3. Siyasa

Abdullahi Ganduje mai shekaru 69 yana cikin wadanda su ka dade a siyasa. Ganduje ya kasance cikin Jagororin jam’iyyar NPN a jihar Kano tun a 1979. Ganduje yayi takarar majalisar tarayya a lokacin amma ya sha kasa.

4. Lambar yabo

Ganduje yana cikin wadanda tsohon shugaban kasa watau Goodluck Jonathan ya ba tambarin girma na OFR a cikin shekarar 2012. Haka kuma Jami'ar Bayero ta taba karrama gwamnan a kwanaki.

KU KARANTA: Ganduje yace bai da kullin hana wasu sakat a Jihar Kano

5. Aiki da Kwankwaso

Rabiu Kwankwaso ya dauko Abdullahi Ganduje a matsayin mataimakin sa bayan ya fadi zaben fitar da gwanin da su ka gwabza tare a 1999. Bayan nan kuma Kwankwaso ya nada Ganduje a matsayin Kwamishinan harkar kananan hukumomi.

Bayan PDP ta sha kasa a zaben 2003, Kwankwaso ya dauki Abdullahi Ganduje a matsayin mai ba sa shawara a kujerar Minista. A 2011 ne Kwankwaso ya kara jawo Ganduje duk da sun sake yin takara tare, har ta kai ya mika masa ragamar mulki a 2015.

Idan ka na da wata shawara ko bukatar ba mu labari, a tuntube mu a: labaranhausa@corp.legit.ng

Ku same mu a https://www.facebook.com/legitnghausa

Ko a http://twitter.com/legitnghausa

Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa

Shafin NAIJ Hausa ya koma LEGIT

Asali: Legit.ng