Labarai

Dubi yadda shahararren jarumi Jet Li ya koma bayan gamuwa da wata cuta

Laraba, Mayu 23, 2018 at 6:26 Yamma daga Mudathir Ishaq 2 - tsawon mintuna

- Shahararren jarumin fina-finan kasar China Jet Li na fama da wata cuta mai wuyar sha’ani da ake kira Hyperthyroidism

- Wani hoton sa dake yawo a kafafen yada labara ya tabbatar da hakan

- Saidai manajan Jet Li ya musanta rahotanni da suka ce jarumin na fama da rashin lafiya tare da nanata cewar babu abinda ke damun jarumin

Wasu hotunan shahararren jarumin fina-finan kasar China, Jet Li, dake yawo a dandalin sada zumunta na nuni da cewar ba ya cikin koshin lafiya ganin yadda ya kwarjale.

A cikin hotunan, Jet Li, ya nuna alamun shan wuya da gajiya baya ga mummunar ramewa day a yi. Tsohon jarumin kuma mai shirya fina-finai ya zama tamkar bas hi ba a cikin hotunan.

Dubi yadda shahararren jarumi Jet Li ya koma bayan gamuwa da wata cuta — Jet Li bayan gamuwa da wata cuta

Wani shafin samar da bayanai dake dandalin yanar gizo, Wikipedia, ya bayyana cutar hyperthyroidism a matsayin ciwo dake bayyana alamu da suke da banbanci a tsakanin mutane. Alamomin ciwon sun hada da; ramewa, gudawa, kumburi ko fitowar makoko a wuya, saurin bugawar zuciya, kasa yin bacci, yawaita jin zafi fiye da kima da sauran su.

Kokarin tabbatar da cewar jarumin ne a jikin sabbin hotunan ya ci tura bayan da manajan sa, Steven Chasman, ya kafe cewar Jarumin garau yake, babu abinda ke damun sa.

DUBA WANNAN: Wasu mata biyu sun musulunta awurin tafsirin azumi

“Muna godiya da kulawar jama’a a kan Jet Li. Amma ina son sanar da kowa da kowa cewar babu abinda ke damun sa. Babu wata cuta dake barazana ga rayuwar sa. Yana nan lafiya,” a cewar Chasman.

Chasman ya kara da cewar, ba lallai hoto ya samar da bayani a kan halin da mutum ke ciki ba tare da bayyana cewar Jet Li na cigaba da shirya wasu sabbin fina-finai da zai fito a ciki.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kasashen Duniya Labaran Duniya Fittaciyar Jarumar Kannywood Jarumar Fim