Labarai

Sevilla ta karya alkarin Real Madrid

Litinin, Janairu 16, 2017 at 3:40 Yamma daga Mudathir Ishaq 1 - tsawon mintuna

An kawo karshen buga wasanni 40 a jere da Real Madrid ta yi ba tare da an doke ta ba a wasanni, bayan da Sevilla ta ci ta 2-1 a wasan La Liga da suka yi a ranar Lahadi.

Cristiano Ronaldo ne ya fara ci wa Madrid kwallo a bugun fenariti, bayan da mai tsaron ragar Sevilla Sergio Rico ya yi wa Dani Carvahal keta.

Daga bisani Sergio Ramos ya ci gida wanda hakan ya sa wasa ya koma 1-1 kafin Stevan Jovetic ya zura ta biyu.

Rabon da a doke Real Madrid a wasa tun cikin watan Afirilun bara.

Sai dai duk da cewa tana mataki na daya a kan teburin La Liga, yanzu saura maki daya ya rage tsakaninta da Sevilla ta biyu.

Real Madrid tana da kwantan wasa daya a gasar cin kofin La Liga, kuma Barcelona ta koma ta uku a kan teburin gasar bana.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Cristiano Ronaldo Real Madrid