Siyasa

Ganduje Zai Dawo Da Kwankwaso Da Mukarrabansa Zuwa APC, Musa Iliyasu

Updated Jummaʼa, Yuli 21, 2023 at 11:17 Yamma daga Deen Dabai 2 - tsawon mintuna

Kwamishina a tsohuwar gwamnatin jihar Kano ya bayyana abin da Abdullahi Ganduje zai fara yi idan ya zama shugaban APC
Musa Iliyasu Kwankwaso ya ce Ganduje zai fara ne da karɓar mutane zuwa jam'iyyar ta APC mai mulki a kasa
Ya ce daga cikin mutanen da Ganduje zai karɓa akwai Kwankwaso da sauran 'yan jam'iyyarsa

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Kano - Kwamishinan raya karkara a gwamnatin Kano da ta shuɗe, Musa Iliyasu Kwankwaso, ya bayyana cewa Ganduje zai karɓi Kwankwaso da 'yan jam'iyyarsa zuwa APC da zarar ya zama shugaban jam'iyyar.

Ya bayyana hakan ne a cikin shirin Kowane Gauta na gidan rediyon Freedom Kano a yayin da yake tsokaci kan shugabancin APC da ake hasashen bai wa Ganduje.

Musa Iliyasu ya ce Ganduje zai karbi Kwankwaso a APC — Musa Iliyasu ya ce Ganduje zai dawo da Kwankwaso APC. Hoto: Rabiu Musa Kwankwaso, Dr. Abdullahi Umar Ganduje OFR
Asali: Facebook

Ganduje ya amince da tayin da aka yi masa

Kara karanta wannan

‘Yan NWC ba su Goyon Bayan Zaman Ganduje Sabon Shugaban Jam’iyyar APC

Musa Iliyasu ya bayyana cewa Shugaba Tinubun, Kashim Shettima, shugaban Majalisar Dattawa da wasu gwamnoni ne suka yi wa Ganduje tayin kujerar shugabancin jam'iyyar APC.

DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka

Iliyasu ya kuma ce Ganduje ya karɓi tayin shugabancin da aka yi masa ba tare da wata shilafa ba, har ma sun yi masa fatan alkahiri.

Ya ƙara da cewa Ganduje ya yi aiki an gani a Kano, saboda haka jam'iyyar APC za ta haɓaka sa zarar an naɗa shi a matsayin sabon shugaban jam'iyyar.

Musa ya ce za su karɓi Kwankwaso bayan ƙwace kujerar gwamnan Kano

Sannan ya ƙara da cewa da zarar an tabbatar da Ganduje a matsayin sabon shugaban jam'iyyar APC, abu na farko da zai fara yi shi ne karɓar mutane cikin jam'iyyar.

Ya ce za su karɓi Rabiu Kwankwaso zuwa cikin APC da zarar sun karɓi kujerar Abba Gida Gida wacce ɗan takarar gwamna na APC a Kano, Nasiru Gawuna ke ƙalubalanta.

Kara karanta wannan

Gwamnan APC Ya Tona Asirin Babban Dalili 1 Da Ya Jawo Shugaban APC da Sakatare Suka Yi Murabus

Ya bayyana cewa dama sun san cewa Kwankwaso na yi wa Tinubun aiki ne ta ƙarƙashin ƙasa.

Ya godewa Tinubu bisa muƙamin da ake shirin bai wa Ganduje

Musa Iliyasu ya kuma godewa shugaban ƙasa Bola Ahmed Tinubu kan muƙamin shugabancin jam'iyyar ta APC da ya nuna yana son a bai wa Ganduje.

Ya ce Ganduje da mutanensa sun bai wa Shugaba Bola Ahmed Tinubu gudummawa sosai a can baya.

Musa ya ƙara da cewa, hakan shi ne abinda ya kamata Tinubun ya yi domin mayar da bikin da Ganduje ya yi masa a can baya.

Jigon APC ya bayyana abinda zai faru da APC in aka bai wa Ganduje shugabancin jam'iyyar

Legit.ng a baya ta kawo muku rahoton wani jigon APC da ya nuna rashin amincewarsa kan bai wa Tinubu shugabancin jam'iyyar.

Salihu Lukman, mataimakin shugaban APC na shiyayyar Arewa maso Yamma, ya ce bai wa Tinubu shugabancin zai iya wargaza tsarin jam'iyyar.

Asali: Legit.ng

Authors:

Deen Dabai Zaharaddeen Hamisu marubuci kuma ma'aikacin jarida ne da ke da gogewa wajen iya tantance sahihan labarai da na karya. Ya yi digirinsa a jami'ar Ahmadu Bello dake Zaria. Ya samu horo daga Reuters kan aikin jarida da tantance labarai. Baya ga haka, ya shafe sama da shekaru 5 a bangaren aikin watsa labarai wanda hakan ya bashi gogewa ta musamman a aikin jarida. Za a iya tuntubarsa ta adireshinsa na yanar gizo: deen.dabai@corp.legit.ng

Tags:

APC Jihar Kano Jam'iyyar APC