Kai Tsaye: Yadda Taron Kamfen Atiku da PDP Ke Gudana Yau A Kanon Dabo

Hotuna daga filin kamfen yau

Atiku ya shiga filin kamfe

Atiku Abubakar da sauran jiga-jigan PDP sun dira filin taro.

Dubannan jama'a sun tarbe su yayinda suka isa.

Atiku ya kai gaisuwar ban girma fadar Sarkin Kano

Atiku Abubakar ya kai ziyarar ban girma fadar mai martaba sarkin Kano, Aminu Ado Bayero.

Atiku ya jinjinawa Sarkin bisa dattakunsa.

A cewarsa:

"Mai martaba Aminu Ado Bayero, Sarkin Kano, sarki ne na kirki a koda yaushe. Ko yanzu ya sake nuna hakan a ziyarar ban girman da na kai masa gabanin taron kamfenmu a jiha mai tarihi ta Kano."

Atiku ya kaddamar da makarantar da Malam Ibrahim Shekarau ya gina

Dirarsa Kano ke da wuya, Alhaji Atiku Abubakar, ya kaddamar da katafariyar makarantar da Sanata Ibrahim Shekarau, ya gina a jihar Kano.

Malam Ibrahim shekarau ya gina makarantar haddar Al-Qur'ani mai girma wacce aka yiwa suna, Kwaljin Al-Qur;anin tunawa da Gwani Muhammadu Dan Gunduwawa.

Atiku, shugaban PDP, Tambuwal, sun dira Kano

Dan takaran shugaban kasan PDP, Atiku Abubakar; mataimakinsa, Ifeanyi Okowa shugaban uwar jam'iyyar PDP, Iyorchia Ayu, da sauran jiga jiga jam'iyyar sun dira Kanon Dabo.