Yanzu-yanzu: Asiwaju Bola Tinubu ya lashe zaben fidda gwanin jam'iyyar APC

• Bayan kwanaki biyu da deleget suka taru a farfajiyar Eagle square Abuja, an sanar da sakamako
• Asiwaju Bola Tinubu ya samu gagarumar nasara kan tsohon minista Chibuike Rotimi Amaechi
• Sauran yan takaran da suka dan tabuka kokarin sune mataimakin shugaban kasa, Yemi Osinbajo da Ahmad Lawan

Abuja - Tsohon gwamna jihar Legas, Asiwaju Bola Ahmed Tinubu, ya lashe zaben fidda gwanin yan takaran shugaban kasa karkashin jam'iyyar All Progressives Congress APC.

A zabensa na farko tun bayan barin mulki a 2007, Tinubu yanzu shine zai wakilci jam'iyyar PDP a zaben shugaban kasa a zaben shekarar 2023.

Tinubu ya lallasa yan takara 12 da suka fafata a zaben inda ya samu kuri'u sama da 1,271

Kara karanta wannan

Manyan dalilai 4 da suka sa Tinubu ya lashe tikitin shugaban kasa na APC

Wanda ya zo na biyu shine tsohon Gwamnan jihar Rivers, kuma tsohon Ministan Sufuri Rotimi Amaechi wanda ya samu kuri'u 316.

Sannan Farfesa Yemi Osinbajo wanda ya samu kuri'u 235.

Shugaban kwamitin zaben kuma Gwamnan jihar Kebbi, Atiku Bagudu, ya alanta Tinubu matsayin zakara a zabe.

Tinubu yanzu zai fafata da tsohon mataimakin shugaban kasa, Atiku Abubakar, na jam'iyyar Peoples Democratic Party PDP da Rabiu Musa Kwankwaso na jam'iyyar NNPP dss a ranar 25 ga Febrairu, 2023.

Ga jadawalin sakamakon:

Kara karanta wannan

Tinubu: Dole Mu Tabbatar PDP Ba Ta Sake Jin Kamshin Mulki Ba

Asali: Legit.ng