Siyasa

Yanzu-Yanzu: Gwamnan PDP a Arewa ya bayyana kudurinsa na gaje kujerar Buhari a 2023

Litinin, Janairu 31, 2022 at 7:13 Yamma daga Ahmad Yusuf 2 - tsawon mintuna

Gwamnan Sokoto, Aminu Waziri Tambuwal, ya bayyana shiga tseren zama shugaban ƙasa a zaɓen 2023 dake tafe
Tambuwal ya ce a shirye yake ya kawo ƙarshen baki ɗaya matsalolin Najeriya idan ya zama shugaban ƙasa
Gwamnan ya shiga jerin masu bukatar tikitin shugaban ƙasa karkashin inuwar jam'iyyar adawa PDP

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Sokoto - Gwamnan jihar Sokoto, Aminu Waziri Tambuwal, ya bayyana shirinsa na shiga tseren kujera lamba ɗaya a Najeriya a babban zaben 2023 dake tafe.

Jaridar Vangaurd ta rahoto cewa gwamnan zai nemi cikar wannan burin nasa karkashin inuwar babbar jam'iyyar hamayya PDP.

Tsohon kakakin majalisar dokokin tarayya ya sanar da kudirinsa ne da yammacin yau Litinin, bayan taron manyan masu ruwa da tsaki a Sokoto.

Aminu Tambuwal — Yanzu-Yanzu: Gwamnan PDP a Arewa ya bayyana kudurinsa na gaje kujerar Buhari a 2023 Hoto: @AWTambuwal
Asali: Twitter

Da yake tabbatar da kudirinsa, Gwamna Tambuwal ya ce ba wai shirya wa ƙaɗai ya yi ba, sai dai a shirye yake ya kawo ƙarshen matsalolin da suka zame wa Najeriya ƙarfen kafa da zaran ya ɗare mulki a 2023.

Kara karanta wannan

Da Dumi-Dumi: Kotu ta tura tsohon kwamishina Ɗan Sarauniya gidan gyaran hali

DUBA: Saukar da sabuwar manhajarmu ga masu amfani da Android, karanta labarai da duminsu a manhajar kafar labarai ta #1 a Najeriya

Ya kuma ware kan sa daga saura ba wai a matsayin gwamna kaɗai ba, har da kujerar kakakin majalisar dokokin tarayya da ya rike ba tare da wani taɓon zargi ko cin hanci ba.

Mutum nawa ke neman takara a PDP

Tambuwal ya shiga jerin tseren tare da sauran yan takarar zama shugaban ƙasa ƙarƙashin inuwar PDP da suka haɗa da ɗan jarida, Dele Momodu, da gwamnan Bauchi, Bala Muhammed.

Kazalika, Tsohon shugaban majalisar dattawa kuma tsohon gwamnan jihar Kwara, Bukola Saraki, ya bayyana sha'awar neman takarar shugaban ƙasa.

Idan zaku iya tunawa, Tambuwal shi ne ya zo na biyu a zaɓen fidda gwani na jam'iyyar PDP a shekarar 2018, inda ya mara wa Atiku Abubakar baya.

A wani labarin na daban kuma Gwamnan PDP ya bayyana sunan wanda zai gaji kujerarsa a 2023, yace Allah ne ya masa wahayi

Kara karanta wannan

Allah ya mun wahayi, Gwamnan PDP ya faɗi sunan wanda zai gaji kujerarsa a 2023

Gwamnan jihar Akwa Ibom, Udom Emmanuel, ya sanar da sunan ɗaya daga cikin kwamishinoninsa a matsayin wanda zai gaji kujerarsa.

Gwamnan ya sanar da kwamishinan ƙasa da albarkatun ruwa, Pasto Umo Eno, a matsyain wanda zai zama gwamna na gaba a 2023.

Asali: Legit.ng

Authors:

Ahmad Yusuf (Hausa editor) Ahmad Yusuf ma'aikacin jaridar Legit.ng sashin Hausa ya fara aiki a 2021, ya kware wajen kawo labarai da rahotanni da suka shafi siyasa da al'amuran yau da kullum. Matashin ɗan jaridar ya koyi Lissafi a digirinsa na farko a Jami'ar Kimiyya da Fasaha da ke Wudil, Kano (KUST) ya kuma samu shaidar kwarewa a fannin aikin jaridar zamani daga Reuters a 2022. Kafin fara aiki da Legit Ahmad ya yi aiki da jaridu da dama na turanci da Hausa tun 2012. Mail: ahmad.yusuf@corp.legit.ng 07032379262

Tags:

Aminu Waziri Tambuwal Jihar Sokoto