Shugaba Tinubu Ya Jagoranci Taron FEC Babu Shettima, An Samu Bayanai

• Shugaban ƙasa Bola Ahmed Tinubu ya shiga taron majalisar zartaswa ta tarayya (FEC) a fadarsa da ke birnin tarayya Abuja
• Tinubu na jagorantar taron ne wanda ya samu halartar manyan ƙusoshin gwamnati da ministoci a fadar shugaban ƙasa
• Taron bai samu halartar mataimakin shugaban ƙasa Kashim Shettima ba wanda ya je ƙasar Saudiyya domin gudanar da aikin Umrah

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Shugaba Bola Ahmed Tinubu na jagorantar taron majalisar zartarwa ta tarayya (FEC).

Shugaba Bola Tinubu yana jagorantar taron ne a fadar shugaban ƙasa dake birnin tarayyya Abuja. 

Tinubu ya jagoranci taron majalisar zartaswa

Jaridar Daily Trust ta ce taron wanda ake sa ran zai kasance na ƙarshe a shekarar 2024, yana zuwa ne gabanin gabatar da kudirin kasafin kudin shekarar 2025.

Jaridar The Nation ta rahoto cewa taron ya samu halartar sakataren gwamnatin tarayya, Sanata George Akume.

Kara karanta wannan

Gwamnatin tarayya ta canja sunan jami'ar Abuja, an karrama tsohon shugaban kasa

Sauran mahalarta taron sun haɗa shugaban ma’aikatan fadar shugaban ƙasa, Femi Gbajabiamila, shugabar ma'aikatan gwamnatin tarayya, Didi Walson-Jack da mai ba shugaban ƙasa shawara kan harkokin tsaro, Mallam Nuhu Ribadu.

Haka kuma daga cikin mahalarta taron akwai mambobin majalisar zartaswa da suka haɗa da manyan ministoci da ƙananan ministoci.

Shettima bai halarci taron FEC ba

Mataimakin shugaban ƙasa, Kashim Shettima, wanda yanzu haka yake ƙasar Saudiyya domin gudanar da Umrah, bai halarci taron ba.

Ministan harkokin wajen ƙasashen waje, Ambasada Yusuf Tuggar da ƙaramar ministar harkokin ƙasashen waje, Bianca Odumegwu-Ojukwu, ba su halarci taron ba.

Karanta wasu labaran kan Tinubu

• Magana ta kare, Kotun Koli ta yi hukuncin karshe kan shari'ar neman tsige Tinubu
• Gwamnatin Tinubu za ta wuce gona da iri, bashin da aka karbo ya haura iyaka da N4trn
• Tinubu ya shiga matsala da ake zargin an handame N57bn a ma'aikata, ana tuhumarsa

Shekarau ya ba Tinubu shawara

Kara karanta wannan

Sarkin Musulmi ya jagoranci raba zakkar miliyoyin Naira ga talakawa

A wani labarin kuma, kun ji cewa Malam Ibrahim Shekarau ya yi hannunka mai sanda ga gwamnatin tarayya ƙarƙashin jagorancin Shugaba Bola Tinubu.

Tsohon gwamnan na jihar Kano ya buƙaci shugaban ƙasan da ya sake lale kan yadda yake jan ragamar mulkin ƴan Najeriya.

Asali: Legit.ng