An Shiga Jimami bayan Hadimin Gwamna Ya Riga Mu Gidan Gaskiya

• Allah ya yi wa ɗaya daga cikin jami'an gwamnatin jihar Legas rasuwa a ranar Laraba, 30 ga watan Oktoban 2024
• Abdulrahman Lekki wanda shi ne shugaban hukumar bayar da tallafin karatu ta jihar Legas ya rasu da sanyin safiyar ranar Laraba
• Shugaban ma'aikatan jihar Legas wanda ya tabbatar da rasuwar a cikin wata sanarwa, ya ce marigayin ya rasu ne bayan jinya

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Legas - Hadimin gwamnan jihar Legas, Babajide Sanwo-Olu ya riga mu gidan gaskiya bayan ya yi ƴar gajeruwar jinya.

Abdulrahman Lekki wanda shi ne shugaban hukumar bayar da tallafin karatu ta jihar Legas, ya rasu a ranar Laraba, 30 ga watan Oktoban 2024.

Wata sanarwa da ta fito daga ofishin shugaban ma’aikata na jihar Legas a ranar Laraba, 30 ga watan Oktoban 2024 ta tabbatar da rasuwar marigayin, cewar rahoton jaridar Vanguard.

Kara karanta wannan

Gwamna ya fara garambawul, ya kori shugaban jami'a da wasu manyan jami'ai

Gwamna ya yi rashi a jihar Legas

Sanarwar ta bayyana cewa Abdulrahman Lekki ya yi bankwana da duniya ne bayan wata ƴar gajeruwar rashin lafiya.

Sanarwar na cewa:

"Tare da miƙa wuya ga ikon Allah, shugaban ma’aikatan jihar Legas na sanar da rasuwar Abdulrahman Lekki, shugaban hukumar ba da tallafin karatu ta jihar Legas."

"Marigayin ya rasu ne a safiyar yau, 30 ga watan Oktoba, 2024, bayan gajeruwar rashin lafiya."

"Allah ya ji ƙan sa da rahama. Za a sanar da lokacin jana'iza daga baya."

MSSN ta yi wa gwamna ta'aziyya

Ƙungiyar ɗalibai musulmai reshen jihar Legas ta yi ta'aziyyar rasuwar marigayin a shafinta na X.

Ƙungiyar MSSN ta yi gwamnatin Legas da Gwamna Babajide Sanwo-Olu, da hukumar ba da tallafin karatu ta jihar Legas ta'aziyya kan wannan rashin da aka samu.

Kara karanta wannan

Gwamnan APC ya yi rigakafi, ya nemi kotu ta shiga tsakinsa da EFCC tun kafin ya bar ofis

Ɗan tsohon gwamna ya rasu

A wani labarin kuma, kun ji cewa ɗan tsohon gwamnan jihar Kaduna, Ahmed Mohammed Makarfi, mai suna Faisal Ahmed Mohammed Makarfi, ya rasu.

Wata majiya daga iyalansa da ta so a sakaya sunanta ta tabbatar da rasuwar inda ta ce marigayin ya rasu ne sakamakon hatsarin mota.

Muhammad Malumfashi, babban edita a sashen Hausa na Legit ya duba labarin.

Asali: Legit.ng