Ga Mari Ga Tsinka Jaka: Minista Ya Zagi Mazaunan Abuja da Za a Ruguzawa Gininsu
- Ministan Abuja, Nyesom Wike ya caccaki mazauna yankin Lugbe da ke birnin bisa zanga zangar adawa da rushe-rushensa
- Hukumar gudanarwar Abuja ta fara rushe wasu wuraren da ta ce an yi gine-gine a filayen da ta ce an mallaka ba bisa ka'ida ba
- An hango Ministan yana yi wa masu gudanar da zanga zangar fada, tare da bayyana masu hanyar da ake mallakar fili
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.
FCT, Abuja - Ministan Abuja, Nyesom Wike ya kara jawo surutu bayan an hango shi a wani bidiyo ya na yi wasu mazauna birnin tsawa.
Minstan ya rika yi wa mazauna yankin Lugbe a Abuja bisa zarginsu da cinye filayen da ba mallakinsu ba ne a yankin.
Kara karanta wannan
Ana dakon korar Ministoci, Tinubu ya rushe ma'aikatu, ya yi garambawul a gwamnati
Asali: Facebook
Jaridar The Cable ta wallafa cewa Nyesom Wike ya ziyarci Lugbe bayan ya samu labarin cewa wasu da ke da'awar mallakar filaye a wurin sun gudanar da zanga-zanga.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mazauna Abuja sun nemi a daina rusau
Mazauna Lugbe da ke babban birnin tarayya Abuja sun gudanar da zanga zanga, su ka bukaci mahukuntan babban birnin da kar su rushe masu gine-ginensu,
Mazauna wurin sun shaidawa Ministan Abuja, Nyesom Wike cewa su na da takardun da ke tabbatar da cewa sun mallakin filayen ta halastacciyar hanya.
Wike ya caccaki wasu mazauna Abuja
Nyesom Wike ya bukaci masu zanga zanga a Lugbe da ke Abuja da cewa ba su san sahihiyar hanyar da ake bi wajen mallakar filaye ba.
An gano shi a wani bidiyo da aka wallafa a shafin X, ya na bayani ga masu zanga zangar, ya rika yi wa masu ihu, ya na kiransu da 'marasa hankali.'
Abuja: Wike ya bayar da wa'adin rusau
A baya mun ruwaito cewa hukumar gudanarwar Abuja ta ba masu gine-ginen da ba a kammala ba wa'adin watanni uku su gaggauta kammala su ko hukumomi su yi masu rusau.
Hukumar gudanarwar Abujan ta ce daukar matakin ya zama dole duba da yadda gine-ginen da ba a kammala su ba ke zama matattarar bata gari da ke zama barazana ga mazauna yankin.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
