Binciken Gaskiya: Shugaban Kasa Tinubu Bai Fadi Ba Yayin Rangadi a Abuja

• Wani ikirari da ake yi cewa shugaban kasar Najeriya, Bola Ahmed Tinubu ya fadi yayin duba sabon ofishin mai ba kasa shawara kan tsaro ba gaskiya bane
• Hatta bidiyon da aka wallafa tare da wannan ikirari bai nuna inda shugaban kasa Tinubu ya yanke jiki ya fadi ba
• Wani cikakken bidiyon ziyarar da Tinubu ya kai ofishin ONSA wanda shahararriyar kafar watsa labaran kasar Channels TV ta daura a YouTube ya tabbatar da bai fadi ba

FCT, Abuja - Wani rubutu da ya karade dandalin Facebook ya yi ikirarin cewa shugaban kasa Bola Tinubu ya fadi yayin duba sabon ofishin mai ba kasa shawara kan lamarin tsaro (ONSA) a ranar 5 ga watan Yunin 2023.

Rubutun na kunshe da wani bidiyo mai tsawon sakanni 20 na Tinubu da masu tsaronsa suna tunkarar kujerarsa a a cibiyar yaki da ta’addanci ta kasa, Abuja, babban birnin tarayyar Najeriya.

Kara karanta wannan

Shugaba Tinubu Ya Sa Labule da Tsohon Ministan Buhari a Villa, Yan Najeriya Sun Nuna Damuwa

Yana dauke da rubutu kamar haka:

"Dirama yayin da Shugaban kasa Bola Ahmed Tinubu, GCFR ya fadi a ofishin mai ba kasa shawara kan harkar tsaro ONSA a yau."

Saboda wannan, Africa Check, wani dandalin binciken gaskiya, ya gudanar da binciken kwakwaf.

Lafiyar Bola Tinubu

An rantsar da Tinubu a matsayin shugaban kasar Najeriya a ranar 29 ga watan Mayun 2023. Lafiyarsa shine babban abun damuwa a lokacin zaben, inda masu adawa suka ce bai da isasshen lafiyar da zai jagoranci kasar.

Wannan ikirari ya bayyana a wasu shafukan Facebook da Twitter.

A'a, Shugaban kasa Bola Tinubu bai fadi ba

Bidiyon da aka wallafa a Facebook bai nuna inda Shugaban kasa Tinubu ya fadi ko ya ji tuntube ba a ko'ina.

Wani cikakken bidiyon ziyarar da Tinubu ya kai ofishin ONSA, wanda Channels TV ta wallafa a YouTube ma bai nuna hujjar cewa ya fadi ba.

Kara karanta wannan

Jika da kaka: 'Yan Najeriya sun yi ca, suna ta magana kan bidiyon wasan Tinubu da jikokinsa

Abun da Tinubu ya fada mana a Asorock, Ribadu

A wani labarin kuma, mun ji cewa mai ba shugaban kasa shawara a kan harkokin tsaro, Mallam Nuhu Ribadu ya bayyana abubuwan da suka tattauna lokacin da su ka hadu da shugaban kasa Bola Ahmed Tinubu.

A ranar Litinin ne Malam Nuhu Ribadu ya ce sun yi amfani da damar da su ka samu wajen godewa shugaban kasa.

Asali: Legit.ng