Shugaban Ma’aikatan Tsaro: Abubuwa 7 Da Ya Kamata Ku Sani Game Da Manjo Janar C.G Musa
Shugaban kasa Asiwaju Bola Ahmed Tinubu ya nada Manjo Janar Christopher Gwabin Musa a matsayin sabon shugaban ma'aikatan tsaro don maye gurbin Janar Lucky Irabor.
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Shugaban kasa Tinubu ya amince da yi wa shugabannin tsaro ritaya nan take sannan ya sanar da madadinsu.
Asali: Facebook
Legit.ng ta tattaro muhimman abubuwa game da sabon shugaban ma'aikatan tsaron.
Ranar haihuwarsa
Jaridar Daily Trust ta rahoto cewa an haifi Musa a ranar 25 ga watan Disambar 1967 a jihar Sokoto da ke arewa maso yammacin Najeriya.
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
Jiharsa
Ya kasance dan arewa Kirista daga karamar hukumar Zangon Kataf da ke kudancin jihar Kaduna.
Karatu
Musa ya yi karatunsa na firamare da sakandare a jihar Sokoto.
Ya yi Difloma a faddin tsaro daga jami'ar Lagas, Difloma a bangaren dabarun tsaro a China da sauransu.
Shiga soja
Musa ya samu shiga makarantar sojoji ta NDA Kaduna a 1986 inda ya samu horo na tsawon shekaru biyar.
Laftanal na biyu a rundunar sojojin kasa
A watan Satumban 1991 ya shiga aikin sojan Najeriya a matsayin laftanar na biyu a rundunar sojojin, daya daga cikin sashi mafi wahala a rundunar soji.
Kwamandan bataliyar tsaron runduna ta 73
Ya kasance babban jami'in horarwa/ayyuka sashi na 81, hedkwata, ya kasance babban kwamandan Bataliya ta 73, Mataimakin Daraktan Ayyuka a Sashen Tsare-tsare na rundunar sojoji.
Kwamandan Sashi na 3 OP LAFIYA DOLE
Musa kasance kwamandan sashi na 3 OP LAFIYA DOLE, Kwamandan Sashe na 3 na rundunar hadin gwiwa a yankin tafkin Tchad, ya kuma rike mukamai da dama da ba a ambace su ba, PM News ta rahoto.
A 2021, ya kuma rike shugabancin Operation Hadin Kai da ke yaki da yan ta’adda a Arewa maso gabas.
Sabon shugaban hafsan soji: Abubuwan da ya kamata ku sani game da Janar Lagbaja
A wani labarin, Legit.ng ta kawo a baya cewa shugaban kasa Bola Ahmed Tinubu ya bayyana Janar Taoreed Abiodun Lagbaja a matsayin sabon shugaban hafsan sojojin Najeriya a ranar Litinin, 19 ga watan Yuni..
Ana ganin Janar Lagbaja na daya daga cikin janarori da suka san kan aiki sosai a rundunar sojojin Najeriya.
Asali: Legit.ng
