Ma’auratan Da Suka Shafe Shekaru 10 da Aure Har da Yara 2 Sun Gano Cewa Su Yaya da Kanwa Ne, Bidiyon Ya Yadu

• Wasu ma’aurata sun haddasa cece-kuce a soshiyal midiya sakamakon gano wani al’amari da suka yi game da alakar da ke tsakaninsu
• Bayan shafe tsawon shekaru 13 tare a matsayin mata da miji, sun gano cewa su din yaya da kanwa ne
• Jama’a sun martani kan bidiyon ma’auratan yayin da mutane ke maimakij me ya hana su bin diddiginsu kafin su yi aure

Wasu ma’aurata da suka shafe tsawon shekaru 10 da aure sun bayyana cewa su din yaya da kanwa ne a zahiri.

Ma’auratan yan kasar Amurka sun bayyana abun ban mamakin a wani bidiyo da ya yadu a TikTok wanda @stzyathletemo ya wallafa.

Mijin wanda ya yi magana a madadin iyalin ya bayyana cewa sun yi aure a 2008 kuma aun haifi dansu na fari a 2011.

Kara karanta wannan

Ya Yi Sa’a: Matashiyar Baturiya Ta Kai Saurayinta Dan Najeriya Gida Don Iyaye Su Gani, Ta Rangada Masa Girki

Ya bayyana cewa sun haifi yarsu ta biyu a 2015 kuma sun shafe tsawon shekaru 23 tare. Sai dai kuma, sun gani cewa su din jini ne a kwanan nan.

Kalli bidiyon a kasa:

Jama’a sun yi martani

kevinellis211 ya ce:

“Wannan abu na faruwa fiye da tunaninku!! Ina da abokai masu aure da a kwanan nan ne suka gano cewa su din jini ne.”

Ashley Blanks ta ce:

“Uwar rikona ta fada mani cewa kada na yarda magana ta fatar baki ya hada ni da duk wanda ya fito daga Mobile, Al saboda mahaifina na da yara cike da wurin.

Kaleepha888 ya ce:

“Shiyasa a zamanin da lokacin iyaye da kakanni ake saka su yin gwajin jini kafin su yi aure. Wannan ne dalili.”

Nupe_5 ya ce:

“Ina nufin a wannan gabar me Za ka yi? Ka rigada ka fada tarkon soyayya."

Asali: Legit.ng