Mashahuran Mutane Da Sannannu Da Suka Kwanta Dama A Shekarar 2022

• Wannan shekarar an rasa mutane da dama wanda suka hada da masu fada aji da kuma sannannu
• An rasa wanda ya rike Nigeria a tsakanin shekara 1993 bayan da aka bashi rikon kwaryar kasar na wasu lokuta
• Baya ga cutar annobar korona da ta tafi da rayukan al'umma da dam wannan shekarar ma anga yadda shekarar tazo da rasa manyan-manyan mutane ba ma iya Nigeria ba harda Duniya gaba daya

Nigeria - Nigeria taga rashe-rashe da suka hada manyan mutane wanda suka bada gudunmawa mai tsoka wajen ci gaban Nigeria, da kuma wasu sannanu da sukai suna wajen harkokinsu na wasan kwakwayo ko kuma wani abu mai kama da haka.

An waiwaye tare da tariyar baya da zakulo sannannun mutane da suka rasu a shekarar nan da muke bankwana da ita a ciki da wajen Nigeria.

Kara karanta wannan

A shirye nake: Zababben gwamnan Katsina ya fadi abin da zai a ranar da ya karbi mulki

Olubadan of Ibadan, Oba Saliu Adetunji

Shugaban yankin yarabawa mai cikakken iko na daya Oba Saliu ya rasu ne a farkon wannan shekarar yana da shekara 93 a duniya, kuma shine sarkin Badun na 41.

Sidney Poitier

Shararren dan wasan diramar din nan na Amurka kuma mai bada umarni Sidney Oitier ya rasu yana da shekaru 93 a duniya

Ernest Shonekan

Ya rike Nigeria bayan da akai zaben shekarar Yuni na 1993 aka samu sabani, sai gwamnatin Babbangida ta bashi rikon kwarya kasar. Ernest Shonekan ya rasu yana da shekaru 85 a duniya

Ibrahim Boubacar Keita

Keita shine tsohon shugaban kasar Mali da ya shafe shekaru masu yawa akan karagar mulkin kasar, juyin mulkin shekarar 2020 ne ya hambarar da gwamnatinsa. Keita ya rasu yana da shekara 76 a duniya.

Kara karanta wannan

A kalla Rayuka 11 ne Suka Salwanta a Wasu Hadururruka Daban-Daban a Niger

Festus Okubule

Na cikin tsoffi kuma mashahuran masu alkalancin wasan gasar kwallon kwafa a ciki da wajen Nigeria, ya rasu a ranar 5 ga watan Afirilu na wannan shekarar yana da shekaru 80 a duniya.

Alaafin of Oyo, Oba Lamidi Adeyemi

Na daya daga cikin masu fada aji a yankin yarabawa kuma dan sarautar yanki, ya rasu yana da shekara 83 a duniya a ranar 23 ga watan Afirilun shekarar nan

Gbenga Richards

Sannanne kuma kwarraren mai shirya wasannin diramar kudancin kasar nan musamman a karshe shekarun 1999 zuwa farkon 2000. ya rasu a watan Mayun wannan shekarar.

Shinzo Abe

Tsohon shugaban gwamnatin kasar japan, wanda yayi mulki tsakanin shekarar 2006 zuwa 2007 ya rasu yana da shekara 67 a duniya.

Ivana Trump

Ivana Trump matar tsohon shugaban kasar Amurka Donald Trump ta rasu ranar 14 ga watan Yuni na Shekarar nan, kuma ta rasu tana da shekara 73 a duniya. Itace mahaifiyar manyan 'ya 'yan Donald Trump guda uku.

Kara karanta wannan

Zaben 2023: "Abin Da Yan Adawa Suka Shirya Yi Yayin Rantsar Da Ni", Tinubu Ya Yi Fallasa, Ya Ambaci Sunaye

Queen Elizabeth

Shekarar 2022 zata zama a zukatan mutane sabida rasuwar Giwar ingila wacce ta kasance mafi dadewa a karagar mulkin masarautar. An sha dai yada jita-jita kan lafiyar sarauniya da abubuwan da suke damunta gabanin rasuwarta

Ta rasu tana da shekara 96 a duniya, kuma ta rasu da misalin karfe 3:10 na yamma a agogan kasar ingila a ranar 8 Ga watan Satumbar wannan shekarar a fadarta ta Balmoral

Bashir Mangal

Mataimakin kamfanin zirga-zirgan jiragen sama na Max Air ya kwanta dama yana da shekaru sittin da biyar a duniya, ya rasu ne ranar 23 ga watan Dismaban shekarar 2022

Pele

Sharraren dan wasan kwallon kafan nan na duniya wanda ya lashe kofin duniya har sau uku, Pele, ya rasa ranar Alhamis din nan data gabata yana da shekaru 82 a duniya. .

Asali: Legit.ng