Rundunar Soji Sun Samu Nasarar Hallaka Yan Bindiga 10 a Jihar Kaduna
- Jami'an tsaron Najeriya na cigaba da samun galaba kan yan bindiga masu garkuwa da mutane
- A jihar Kaduna, yan bindiga sun addabi al'ummar Birnin Gwari, Chikun da Giwa a shekarun nan
- Gwamnatin jihar ta jinjinawa jami'an tsaron bisa jajircewarsu wajen kawo karshen kansar yan bindiga
Kaduna - Dakarun Sojin Najeriya sun yiwa yan bindiga masu garkuwa da mutane dirar Mikiya a kananan hukumomin Chikin, Birnin Gwari da Giwa, duk a jihar Kaduna.
Sojojin sun samu nasarar hallaka yan bindiga goma kuma sun tarwatsa mabiyarsu.
Kwamishanan harkokin cikin gida da tsaron jihar, Samuel Aruwan, ya bayyana hakan a jawabin da ya fitar da yammacin Juma'a, 23 ga watan Disamba, 2022.
Ya bayyana cewa rahoton da gwamnatin jihar ta samu daga wajen Sojojin ya nuna cewa sun yi arangama ne da yan bindigan kuma akayi musayar wuta.
Asali: Twitter
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A jawabin da ya fitar a shafinsa na Tuwita, Aruwan yace:
"Sojoji sun hallaka yan bindiga goma kuma sun lalata gidajensu a Chikun, Birnin Gwari da Giwa."
"Sojojin sun kashe takwas tare da kwace babura 6 yayin sintiri a Chikun/Birnin gwari."
"A wani harin kuma, sojojin sun kashe yan bindiga biyu a hanyar Sabon Birni-Maidaro-Dogon Dawa-Galadimawa-Kidandan-Fatika. An kwace bindigar AK-47, carbin harsasai biyu, babura shida da wayoyi 3."
"Sojojin sun tarwatsa sansanin yan bindigan dake Garke da Galadimawa a karamar hukumar Giwa, inda suka kwato bindiga biyu, carbin harsasai biyu, rigar Sojoji da babura 9."
Sojoji sun Hallaka Sama Da 'Yan Boko Haram Dari Da Hamsin a jihar Borno
Dakarun Sojojin Najeriya sun samu nasara hallaka sama da 'yan Boko Haram 150 a ruwan wutan da dakarun sojin saman sukai kai wa 'yan kungiyar a dajin Sambisa.
Rahotanni sun nuna cewa an kai wannan hari a ranar Laraba, 21 ga watan Disamba, 2022 kan sansanin 'yan Boko Haram dake Matari, karamar hukumar Bama ta jihar Borno.
Asali: Legit.ng
