Kai Tsaye: Yadda Yakin Neman Zaben PDP Ke Gudana Yau A Plateau
Jirgin yakin neman kujerar shugaban kasan Najeriya a zaben 2023 na jam'iyyar adawa ta Peoples Democratic Party PDP ya yada zango yau garin Jos, babban birnin jihar Plateau.
Dan takarar shugaban kasan PDP, Atiku Abubakar; abokin tafiyar, Ifeanyi Okowa; Shugaban uwar jam'iyyar, Iyorchia Ayu da sauran jiga-jigai sun dira babban filin kwallon Rwang Pam dake Jos
Atiku ya zanna da Sheikh Yahaya Jingir
Gabanin zuwa filin taron kamfe, Alhaji Atiku Abubakar ya gana da shugabannin addini a jihar Plateau.
A jawabin da ya fitar a shafinsa na Tuwita, dan takaran ya bayyana cewa da safiyar nan ya gana da Bishop Benjamin Kwasi da Sheikh Sani Yahaya Jingir tare da majalisar Malaman garin Jos
Ana kona tsintsiya
Mabiya jam'iyyar PDP dake wajen taron sun kaddamar da kona tsintsiya a filin kamfe don nuna rashin amincewarsu da jam'iyya mai mulki ta APC.
Uwar jam'iyyar tace:
"Kona tsntsiya na nuna mutuwar jam'iyyar APC a Plateau... kai tsaye daga filin kwallon Rwang Pam."
