Yanzu-yanzu: Allah ya yi wa Mahaifin Sanatan Nijeriya Rasuwa

• A yau ne aka tashi da jimamin rasuwar mahaifin daya daga cikin sanatocin Nijeriya
• Alhaji Ali Buba Ndume wanda mahaifi ne wurin Sanata mai wakiltar Borno sanata Ali Ndume ya rigamu gidan gaskiya
• za'ayi jana'izar sa da karfe 4 na yamma a Maiduguri jihar Borno

Alhaji Ali Buba Ndume, Mahaifin sanata mai wakiltar Borno ta kudu a majalisar dattawa, Mohammed Ali Ndume ya rigamu gidan gaskiya.

Sanatan da kanshi ya bayyana haka a wani jawabi da ya rabawa manema labarai a Abuja ranar Talata.

Ya kara da bayyana cewa za'a yi jana'izar mahaifin nashi yau Talata a Maiduguri jihar Borno.

Jawabin yace "Muna bakin cikin sanar da ku cewa Allah ya yiwa Alhaji Ali Buba Ndume , Mahaifin Sanata Mohammed Ali Ndume rasuwa. Ya rasu da safiyar yau a Maiduguri.

Kara karanta wannan

Rundunar yan sanda ta ayyana neman shugaban yan bindiga, Ado Aleru, ruwa a jallo

"Allah ya jikanshi ya ba iyalanshi hakurin rashin da suka yi.

"za'a yi jana'izar sa da karfe 4 na yamma a gidan Sanata Mohammed Ali Ndume a Damboa kusa da NTA a Maiduguri."

Daman majalisar ta dage zamanta na ranar talata zuwa ranar Laraba saboda girmama daya daga cikin mamban majalisar wakilai, Jude Ise-Idehen da ya rasu kwanan nan.

Mamban ya kasance mai wakiltar Egor/Ikpoba Okha a majalisar jihar Edo.

Asali: Legit.ng