Abubuwa 6 da ya dace a sani kan Ladin Cima, jarumar da kalamanta suka tada tarzoma a Kannywood

Jarumar Kannywood, Ladin Cima ta sha caccaka a masana'antar Kannywood game da furucin da tayi kwanan nan, inda take ikirarin ba'a taba biyan ta fiye da N20,000 na wasan kwaikwayon da ta tabayi a fim daya ba.

Maganar wacce ta fusata wasu daga cikin masu mukamai a masana'antar Kannywood, ta bude faifan zantawa game da yadda ake sallama da walwalar 'yan wasan kwaikwayon a masana'antar.

Ga wasu daga cikin kalubalen da jarumar ta fuskanta wadanda kila ba kuda masaniya:

- An samu labarin yadda ta zama jarumar da ta fi dadewa a Kannywood. A wani tattaunawa, Cima ta ce, ta shigo masana'antar lokacin da babu wanda ya ke biyan ta kudin wasan kwaikwayo, kuma ta na tasowa daga Kano ta je Kaduna saboda a lokacin babu masu shirya wasan kwaikwayon a Kano.

Kara karanta wannan

'Yar Najeriya ta dawo gida daga Ingila bayan shekaru 25, ta tarar mai haya ya sayar da gidanta

- Cima ta yi aure tana 'yar shekara 13. Duk da bakatsiniya ce, ta yi aure a Kano, kuma ta haifi yara uku, amma abin tausayi, biyu daya daga ciki sun rasu, yarinya daya ce ta rayu.

- Jarumar ta fara wasan kwaikwayon ne bayan rasuwar mijin ta. Yayin bada labarin yadda rayuwarta ta kasance a baya, jarumar ta ce ta na kallon wasan kwaikwayo a talabijin mai nuna launin baki da fari, kuma jaruman na matukar birgeta. Amma ba ta samu damar fara wasan ba, sai bayan rasuwar mijin ta.

- Haka zalika, ta yi aiki a asibiti. Wasu daga cikin masoyan ta ba za su iya sani ba, amma jarumar ta yi aiki a asibiti a Kano na tsawon shekaru, kuma ba ta daina ba ko bayan ta fara wasan kwaikwayon. Ta yi ritaya kwanan nan.

Kara karanta wannan

Jarumar Kannywood Ladin Cima: Ban taba samun sama da N5k a harkar fim nan take ba

- Ta fara wasan kwaikwayon tun kafin a san za a kafa masana'antar Kannywood saboda masana'antar bata fi shekaru 30 da kafuwa ba, ta yi wasan kwaikwayo tun kafin gidan silmar Hausa ta zama masana'antar a Najeriya.

- Bugu da kari, Cima ta kai tsawon shekaru 50 a matsayin jaruma. Fitacciyar jarumar ta ce, ta fara fim din ta na farko tun lokacin mulki soja, san da tsohon shugaban kasan Najeriya, janar Yakubu Gowon ya mulki kasar.

Kannywood: Batun biyan Ladin Cima dubu biyu a fim ya tada hazo a masana'antar

A wani labari na daban, mutane a shafukan sada zumunta sun dinga maganganu daban-daban kan ikirarin jaruma Ladin Cima na cewa wasu furdusoshi na biyan ta dubu biyu zuwa dubu biyar idan ta fito a fim din su.

BBC ta zanta da ita a shirin Daga Bakin Mai Ita, kuma Ladin Cima Haruna ta ce dalilinta na gaza mallakar gidan kan ta shi ne rashin samun kudi a dunkule wanda ya taba kai dubu ashirin, talatin ko hamsin a harkar fim.

Kara karanta wannan

'Yar Bokon gaske: Yadda matashiya ta kame kanta, ta kammala digiri da CGPA 7.0

Babu shakka maganganunta sun tayar da hazo inda ake ganin daraktoci da masu ruwa da tsaki na cutar 'yan wasa.

Asali: Legit.ng