Da Dumi-Dumi: Allah ya yi wa tsohon Ministan Kuɗi na Najeriya rasuwa

Da Dumi-Dumi: Allah ya yi wa tsohon Ministan Kuɗi na Najeriya rasuwa

  • Chu Okongwu, kwararre a bangaren tattalin arziki kuma tsohon ministan kudi a zamanin Ibrahim Badamasi Babangida, ya riga mu gidan gaskiya
  • Baya ga ministan kudi, Okongwu, ya rike mukamin ministan tsare-tsare na kasa, ministan man fetur da ministan harkokin yan fadar gwamnati
  • Okongwu wanda shine da na farko cikin yara takwas wurin iyayensa ya ce ya taba aiki a matsayin dan jarida a Daily Times

Chu Okongwu, kwararre a bangaren tattalin arziki kuma tsohon ministan kudi na Najeriya ya riga mu gidan gaskiya.

The Cable ta ruwaito cewa ya rasu ne a safiyar ranar Laraba, yana da shekaru 87 a duniya.

Da Dumi-Dumi: Allah ya yi wa tsohon Ministan Kuɗi na Najeriya rasuwa
Tsohon ministan kudi na Najeriya, Chu Okongwu, ya mutu. Hoto: The Cable
Asali: Facebook

An haifi Okongwu ne a ranar 23 ga watan Satumban 1934, a Jihar Anambra, Najeriya. Shi ne da na farko cikin 'ya'ya takwas wurin iyayensu.

Kara karanta wannan

Shehu Sani: 'Yan bindiga sun zama jiha mai zaman kanta a cikin jihohin Arewa maso Yamma

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Makarantu da ayyuka da Okongwu ya yi

Ya yi karatu a St Michael's School, Aba daga 1941 zuwa 1946. Daga nan, ya tafi Kwallejin Gwamnati da ke Umuahia, inda ya yi karatu daga 1947 zuwa 1951.

Ya kuma yi karatu a bangaren tattalin arziki a Jami'ar Boston ya kammala digirinsa a 1961. Ya kuma yi karatu a Jami'ar Harvard daga 1961 zuwa 1965.

Ya yi aiki na shekaru takwas a karkashin gwamnatin Ibrahim Babangida, tsohon shugaban kasa na mulkin soja; da farko ya yi ministan kudi daga 1985 zuwa 1986, daga baya ya zama ministan tsare-tsare na kasa daga 1986 zuwa 1990. Daga baya ya yi ministan harkokin yan fadar gwamnati, daga bisani kuma ministan man fetur.

Rayuwa bayan an manyanta

A hirar da Vanguard ta yi da shi a 2013 yana da shekaru 79, Okongwu ya bayyana cewa 'yana da lafiya dai-dai da shekarunsa.'

Kara karanta wannan

Tarihin Marigayi Shonekan wanda ya yi kwana 83 a mulki, Abacha ya yi masa juyin-mulki

Ya ce:

"Ina lallabawa ina tafiyar mile uku a kowanne rana; kwanaki hudu a sati, daga kai zuwa kafa, akwai matsaloli da ke zuwa da shekaru, amma ina tunanin ina farin ciki ina raye. Ba ni da shirin bata lokaci kan abubuwa marasa muhimmanci ... a duk minti da Allah ya bani a duniya. Na kan yi abu mai amfani."

Okongwu ya ce ya taba aiki matsayin dan jarida a Daily Times a matsayin sub-edita.

A watan Oktoba, yan bindiga sun cinna wa gidansa wuta a Jihar Anambra

Matar Shahararren Tsohon Gwamnan Najeriya Ta Rasu a Asibiti a Amurka

A wani labarin, Njideka Ezeife, matar tsohon gwamnan jihar Anambra wanda kuma dattijo ne a kasa, Chief Chukwuemeka Ezeife ta riga mu gidan gaskiya.

Njieka ta rasu ne bayan fama da gajeruwar rashin lafiya a wani asibiti da ke Amurka kamar yadda kungiyar dattawan Igbo ta sanar ta bakin sakatarenta Farfasa Charles Nwekeaku, The Sun ta ruwaito.

Kara karanta wannan

Najeriya ta yi rashi: Tsohon shugaban kasa a Najeriya Ernest Shonekan ya rasu

Nwekeaku ya ce ana sa ran tsohuwar matar gwamnan za ta dawo Najeriya ne a ranar Litinin, 13 ga watan Disamban 2021 amma kwatsam ta fara rashin lafiya.

Asali: Legit.ng

Online view pixel