Da Dumi-Dumi: Buhari ya amince a ɗauki ƙarin 'yan sanda 10,000 aiki a Najeriya

• Shugaba Muhammadu Buhari ya dauki matakin rigakafin dakile karuwar rashin tsaro da ke adabar sassan Najeriya
• A cewar Buhari Sallau, Shugaban na Najeriya ya amince a dauki sabbin jami'an yan sanda guda 10,000 a kasar
• Tuni dai an tuntubi wadanda abin ya shafa bayan fara aikin daukan sabbin 'yan sandan a sassan Najeriya daban-daban

Shugaba Muhammadu Buhari ya amince a dauki sabbin jami'an yan sanda 10,000 daga jihohi 36 da babban birnin tarayya, Abuja.

Buhari Sallau, hadimin shugaban kasar ne ya bayyana hakan a ranar Laraba, 29 ga watan Disamba, cikin wata wallafa da ya yi a shafinsa na Facebook.

A cewarsa, an zabi mutane 10 daga kowanne karamar hukuma 774 a kasar, ya kara da cewa za a yi aikin daukan sabbin yan sandan ne a sassa daban-daban a kasar.

Kara karanta wannan

An damke wani matashin dan bindiga yana kokarin tare hanya, an ceto mutum 10 daga hannunsa

Sallau ya kara da cewa tuni an tuntubi mutanen da suka yi nasara ta hanyar tura musu sako ta adireshin imel da suka yi amfani da shi a lokacin da suke rajista.

Daukan aiki: Rundunar yan sanda ta fitar da sanarwa mai muhimmanci ga masu son shiga aiki

Tunda farko, Legit.ng ta rahoto cewa shirin na gwamnatin tarayya na kara yawan yan sanda a kasar da ake yi a halin yanzu na shiga wani sabon mataki.

Rundunar yan sandan ta sanar da cewa za a yi gwaji ga wadanda suka yi nasarar samun aikin a 2020.

Sanarwar da ta fito ta bakin mai magana da yawun yan sandan Legas, CSP Adekunle Ajisebutu ta ce za a yi gwajin ne a ranar Juma'a 29 da Asabar 30 ga watan Oktoba.

Kara karanta wannan

Hotunan mai jinyan da ya sace motar Asibiti a jihar Kano bayan Yan sanda sun damkeshi

Ajisebutu ya ce za a yi gwajin na Legas ne a cibiyar gwaji na WAEC da ke Ogba.

Ku saurari karin bayani ...

Asali: Legit.ng