Labarai

An yi jana’izar Jigon jam’iyyar APC da yan bindiga suka kashe a hanyar Kaduna/Abuja

Litinin, Nuwamba 22, 2021 at 9:08 Yamma daga Abdul Rahman Rashid 2 - tsawon mintuna

Manyan jiga-jigan siyasa sun halarci Sallar Jana'izar tsohon dan takaran gwamnan jihar Zamfara
Babban jigon APCn ya rasa ransa ne hannun yan bindiga yayinda suka yi kokarin garkuwa da shi
Dimbin jama'a sun shaida wannan Sallah da akayi a Masallacin Annur dake Unguwar Wuse Abuja

KALLIN NAN: Legit.ng ta fara wata gwagwarmayan taimakawa yara marasa galihu a Calabar - Kayi musharaka a wannan shirin na Patreon, mu hada kai wajen canza rayukan mutane!

Abuja - An yi jana'izar tsohon dan takaran kujeran gwamnan jihar Zamfara karkashin jam'iyyar All Progressives Congress APC, Sagir Hamidu, wanda aka kashe ranar Lahadi.

An kashe Sagir Hamidu, wanda babba jigon APC, a babban titin Kaduna/Abuja lokacin da yan bindiga suka bude masa wuta.

Daga cikin wadanda suka halarci jana'izarsa akwai Gwamnan jihar Zamfara, Bello Muhammad Matawalle; tsohon Gwamnan jihar, AbdulAziz Yari.

Hotuna daga shafukan Hamdan Alhazzai Shinkafi sun nuna yadda sallar jana'izar ta gudana.

Kara karanta wannan

APC ta ba Buhari wuka da nama na tsayar da lokacin gudanar taron gangami

A jawabinsa, ya bayyana cewa jana'izar ta gudana ne a birnin tarayya Abuja.

A cewarsa, an gabatar da Sallar jana'izarsa a masallacin ANNUR Dake Wuse 2 A Abuja. Jim kadan bayan kammala sallar AZZAHAR(ZUHR) a yau duk acikin garin na Abuja babban birnin tarayyar Nigeria.

DUBA: Saukar da sabuwar manhajarmu ga masu amfani da Android, karanta labarai da duminsu a manhajar kafar labarai ta #1 a Najeriya

An yi jana’izar Jigon jam’iyyar APC da yan bindiga suka kashe a hanyar Kaduna/Abuja Hoto: Hamdan Alhazzai
Asali: Facebook

Yace:

"Marigayin wanda yassamu shaidu ga Al'ummar musulmi Dadama wajan gudanar da zumunchi da son juna dakuma kyautata mu'amula da kafatanin al'ummar musulmi.

Dattawan jihar Zamfara a karkashin Jagorancin Mai girma Tsohon Gwamnan jihar Zamfara, Jagoran Jam’iyyar APC Hon Abdul’aziz Yari Abubakar (Shattiman Zamfara), Hon.Lawal M.Liman (Gabdon Kaura) Shugaban Riko na Jam’iyyar APC reshen jihar Zamfara, Sen.Kabiru Garba Marafa,CON. (Marafan Gusau), H'E Dr.Dauda Lawan Dare (Gamjin Gusau), Hon.Ikira Aliyu Bilbis

Muna Adduar Allah Yaji Kansa Ya Gafartamasa ya ƙarɓi baƙuncinta yakuma albarkaci bayansa amin."

Kara karanta wannan

Hotuna: Ganduje ya jagoranci manyan yan siyasa wajen tarbar Tinubu yayin da ya isa Kano don ta’aziyyar Dangote

Marigayin wadda yakeda shekaru sittin da ukku(63) a duniya yatafi yabar mata ɗaya (01) da ƴaƴa Ashirin da ɗaya (21) da Yan uwa da abokanan Arziki.

Asali: Legit.ng

Authors:

Abdul Rahman Rashid Rashidah Abdul Rahman 'yar jarida ce kuma dalibar ilimi wacce ta kwashe shekaru kimanin hudu yanzu tare da shararriyar jarida Legit. Ta samu gogewa a ɓangaren rubutun labarai akan fannoni shatta, wanda suka hada da siyasa, kasuwanci, wasanni, nishadi, dss. Zaku tuntubarta a akwatin email: abdulrahman.rashidah@corp.legit.ng

Tags:

Jihar Zamfara Jam'iyyar APC