Yadda arzikin Dangote ke hawa da sauka cikin shekaru 11 da suka shude

Yadda arzikin Dangote ke hawa da sauka cikin shekaru 11 da suka shude

Mujallar Forbes ta sake jerin masu kudin nahiyar Afrika na shekarar 2022, dan Najeriya ne ke kan gaba.

A bisa lissafin mujallar da ta shahara a duniya, arzikin Dangote ya tashi daga $11.5bn a shekarar 2021 zuwa $14bn a 2022.

Attajirin dan kasuwa, dan asalin jihar Kano, Alhaji Aliko Dangote, ya kwashe shekara da shekaru matsayin mutum daya mafi arziki a Afrika.

Hakazalika shine bakin mutum mafi arziki a fadin duniya.

A bisa rahoton Nairametrics, bakin mutum 15 kadai ne biloniya a fadin duniya. Cikinsu akwai yan Najeriya uku kacal.

Dangote
Yadda arzikin Dangote ke karuwa da raguwa cikin shekaru 11 da suka shude Hoto: WEF
Asali: UGC

Ka yadda arzikin Dangote ke hawa da sauka cikin shekaru 11 (2012 - 2022) da suka gabata:

2012: $11.2bn

2013: $16.1bn

2014: $25bn

2015: $14.7bn

2016: $15.4bn

2017: $12.2bn

2018: $14.1bn

2019: $10.4bn

2020:$8.3bn

2021: $11.5bn

2022: $14bn

Forbes ta saki jerin masu kudin duniya na 2022: Dangote ne na 130

Mujallar Forbes ta saki jerin sunayen masu kudin duniya inda takwas daga cikin goman farko yan kasar Amurka ne, sannan daya daga Faransa, dayan kuma daga Indiya.

Har ila yau, Amurka ke da masu kudi mafi yawa inda ta tara bulunoyoyi 735.

Independent UK ta ruwaito cewa Elon Musk wanda shine na daya gaba daya kudin bai wuce $2 billion ba a 2012, amma yanzu ya mallaka $218 billion (sama da N90.61trn).

Asali: Legit.ng

Online view pixel