Boko Haram sun bar Sambisa sun koma dajin Burra a jihar Bauchi
-Kungiyar Islama, na Boko Haram sun kafa wani sabon tushe a jihar Bauchi
-Sanata Isa Hamma Misau wanda ke wakiltan jihar Bauchi na tsakiya a majalisar dattawa ne ya bayyana haka
-Dajin Sambisa ta kasance matattarar yan ta’adda
Sanatan dake wakiltan jihar Bauchi na tsakiya a majalisar dattawa, Sanata Isa Hamma Misau ya bayyana cewa kungiyar Yan ta’addan Boko Haram sun kafa sabon tushe a garinsa jihar Bauchi.
Sanata Misau, wanda ya kasance babban jami’in dan sanda (Mai ritaya) ya bayyana wa jaridar Daily Trust a kan waya cewa kungiyar yan ta’adda sun kafa tushe a dajin Burra a yankin masarautar Ningi wanda ke karkashin yankin da yake wakilta a majalisar dattawa.
KU KARANTA KUMA: Shugaba Buhari zai cika dukkan alkawuran zaben sa
A cewar Sanatan, yan ta’addan sun bayyana wa wadanda abun ya shafa cewa sun bar gurin da aka fi sanin su wato dajin Sambisa, wanda ya kasance ainahin tushensu kafin sojojin Najeriya su kai masu hari.
Sanatan ya sha alwashin dauko lamarin a taron yan majalisat dattawa na sabon wata duk da yayi alkawarin rubata wasika ga dukkan hukumomin tsaro a kasar domin su kawo dauki a cikin lamarin.
A halin yanzu, babban hekwatan masu tsaro a jiya 9 ga watan Augusta sun tabbatar da cewa kungiyar yan ta’addan Boko Haram wadanda suka bar jihar Borno sun kafa wani sabon tushe.
Asali: Legit.ng
