An samu jihar Kudancin Najeriya da tayi doka, ta haramta saida giya a tashar motoci

• Hope Uzodinma ya kafa majalisar da za ta rika kula da hanyoyi a jihar Imo
• Gwamnan ya kuma bada umarnin a dakatar da tallar giya a tashoshin mota
• Gwamnatin Imo tana sa rai hakan zai taimaka wajen rage aukuwar hadura

Imo - Gwamnan jihar Imo, Sanata Hope Uzodinma ya haramta saida giya da duk wasu na’ukun lemu masu sa maye a tasoshin mota a fadin jihar.

A ranar Alhamis, 7 ga watan Oktoba, 2021, ABN TV ta fitar da rahoto cewa Mai girma gwamna Hope Uzodinma ya bada wannan umarni a Owerri.

Rahoton yace Gwamnan na jihar Imo ya bayyana hakan ne wajen kaddamar da majalisar da ya kafa domin ta rika bada shawara a kan harkar tituna.

Kara karanta wannan

Hotunan Zulum tare da mazauna kauyen Banki yayin da suke cin kasuwar dare

Gwamna Uzodinma yace majalisar da ya kafa za ta maida hankali kan abubuwa biyar; kula da tituna, samar da matafiya masu tuki a tsanake.

Haka zalika majalisar za ta bada karfi wajen ganin an dauki matakin gaggawa bayan aukuwar hadura, tare da samar da tituna masu nagarta a jihar.

Meyasa za a daina saida giya a tasha?

Hope Uzodinma yace makasudin yin hakan shi ne a rage aukuwar haduran mota daga kashi 50% zuwa tsakanin kashi 20% da kuma 30% a titunan Imo.

A cewar gwamnan, ana yawan fama da haduran mota a hanyoyin jihar Imo, don haka ya sa dokar.

A jawabinsa, Hope Uzodinma ya bayyana irin kokarin da gwamnatinsa take yi wajen rage hadura da kuma ganin matafiya sun ji dadin bin titunan Imo.

Uzodinma yace kokarin rage aukuwar hadura a manyan hanyoyi ne ya sa gwamnatinsa ta bada kwangilar fadada titunan Owerri-Orlu da Owerri-Okigwe.

Kara karanta wannan

2023: Tsohon ɗan takarar shugaban ƙasa, Moghalu ya fice daga jam'iyyar YPP ya koma sabuwar jam'iyya

Fadada wadannan manyan tituna zai bunkasa tattalin arzikin jihar Imo, a cewar Sanata Uzodinma.

Wannan mataki da gwamnatin Uzodinma ta dauka ya jawo surutu a dandalin Nairaland. Wasu suna sukar gwamnan da cewa yana kokarin kawo shari'a.

Za mu karasa ayyukan da muke yi - Buhari

A ranar Alhamis, shugaban Najeriya Muhammadu Buhari ya tabbatar da cewa Gwamnatin Tarayya za tayi kokari ta kaddamar da ayyukan da ta tattago.

Da yake gabatar da kasafin kudin 2022 a majalisa, Buhari yace kwanan nan za a fara aikin jirgin kasan Ibadan zuwa Kano, da na Fatakwal zuwa Maiduguri.

Asali: Legit.ng