Jerin hotunan jaruma Rahama Sadau a India da suka janyo cece-kuce a makon nan

• Sabbin hotunan jarumar fina-finai, Rahama Sadau sun bayyana inda suke daukan wani shiri tare da jaruman fim na India
• Sai dai wasu daga cikin hotunan sun bata wa jama'a rai ganin yadda ta dafa wani namiji tare da shigar ta wacce ta yi watsi da al'ada
• Tuni jama'a suka dinga sukar ta tare da janyo hankalin jarumar, inda wasu kuwa suka ce ba wannan ne karon farko da ta ke janyo wa kai magana ba

India - Sanannen abu ne cewa jarumar fina-finai Rahama Sadau ta saba janyo cece-kuce a arewa.

A wannan makon wani sabon al'amari ya bayyana inda wasu suka dinga ganin sa a matsayin cigaba yayin da wasu ke tofin Allah wadai kan yanayin rayuwar jarumar.

Da farko dai jarumar ta fara da wallafa hotunan ta kusan makonni biyu da suka gabata inda ta bayyana a kasar India tare da jaruman kasar suna shirin fara daukar wani fim.

Kara karanta wannan

NSCDC ta kama mutumin da ke taimakawa masu garkuwa karɓar kuɗin fansa

A take masoyan jarumar suka dinga tururuwar yi mata Allah ya sanya alheri tare da fata na gari kan wannan cigaban da ta samu a rayuwar ta.

A cikin makon nan kuwa, kwatsam sai ga jarumar ta wallafa wasu hotuna a shafin ta na Instagram inda ta bayyana tare da wasu jaruman fina-finan India maza ta dafa wasu.

Hakan babu shakka bai yi wa jama'a dadi ba inda suka fara cece-kuce tare da sukar irin tsarin rayuwar jarumar duk da Musulma ce kuma haifaffiyar 'yar arewacin Najeriya.

Asali: Legit.ng