Gwamnatin Buhari za ta san matsayar bashin $4bn nan da kwana 7, kwamiti zai zauna

Gwamnatin Buhari za ta san matsayar bashin $4bn nan da kwana 7, kwamiti zai zauna

  • Majalisar Dattawa ta ba kwamiti kwanaki 7 ya duba rokon karbo bashin $4bn
  • Shugaban majalisa, Ahmad Lawan ya ba kwamitin bashi wannan aikin a jiya
  • Sanata Clifford Ordia zai gabatar da rahoto a gaban majalisa a mako mai zuwa

Abuja - Majalisar dattawan Najeriya ta bukaci kwamitin harkar bashi da aron kudi ya fara aiki a kan rokon da shugaban kasa Muhammadu Buhari ya kawo.

Gwamnatin Muhammadu Buhari tana nema majalisar tarayya ta ba ta damar karbo aron dala biliyan $4.054 da kuma €710m da $125m daga kasashen waje.

Daily Trust tace majalisar dattawan ta dauki wannan matsaya ne a ranar Talata, kusan mako guda da karanto wasikar shugaban kasar a zauren majalisar.

Shugaban kwamitin, Sanata Clifford Ordia mai wakiltar yankin jihar Edo ta tsakiya a karkashin jam’iyyar PDP zai zauna a kan batun karbar bashin tiriliyoyin.

Read also

Jerin sunaye: Manyan 'yan siyasa 5 da aka kayar a 2019 wadanda ka iya dawowa da karfi a shekarar 2023

Da aka dawo zama a ranar 21 ga watan Satumba, 2021, shugaban majalisar dattawan kasar ya bukaci kwamitin da ke kula da harkar cin bashin ya shiga aiki.

Buhari a majalisa
Buhari a gaban majalisa Hoto: premiumtimesng.com
Source: UGC

Ahmad Lawan ya ba Clifford Ordia kwanaki bakwai su kammala aikinsu, sai su gabatar da rahotonsu. Kwamitin zai karkare aiki a ranar Talata mai zuwa.

Jaridar Vanguard tace Sanata Yahaya Abdullahi ya tado maganar, inda shugaban marasa rinjaye, Sanata Enyinnaya Abaribe ya yi na’am da a fara aiki kan batun.

Me za a yi da wannan kudi?

Idan an yi nasarar samun wannan bashi ne gwamnatin tarayya za ta aiwatar da ayyukan more rayuwa da ke karkashin tsarin cin bashi na shekara 2018-2021.

Za a karbo aron kudin ne daga wurare irinsu; World Bank, French Development Agency, China Exim Bank, da International Fund for Agricultural Development.

Read also

Shugaban kasa Buhari ya aika wa 'Yan Majalisa takarda, ya yi sababbin nadin mukamai a EFCC

Hala zalika Credit Suisse Group and Standard Chartered/China Export and Credit (SINOSURE) na kasar Sin zai taimaka wajen ba gwamnatin kasar wannan bashi.

An kai kudirin garkuwa da mutane a Majalisa

A ranar Talatar ne aka ji cewa Sanatan jihar Ogun, Ibikunle Amosun yana so duk wanda ya ci kudin da aka samu daa satar mutane ya yi shekaru 30 a kurkuku.

Sanata Ibikunle Amosun ya kawo kudirin da zai yi maganin satar mutane. Muddin kudirin ya zama doka, duk wanda aka kama zai zauna a kurkuku har mutuwa

Source: Legit

Online view pixel