Hotunan auren ɗan gwamnan Jihar Jigawa da zuƙeƙiyar budurwarsa da suka hadu a Snapchat
- Dan gwamna Mohammed Badaru Abubakar na jihar Jigawa ya angwance da budurwar sa, Affiya Sadiq Umar a ranar 11 ga watan Satumban 2021
- An samu rahotanni akan yadda ya hadu da tsaleliyar budurwar a kafar sada zumuntar zamani ta Snapchat
- Kamar yadda mai hoton su ya bayyana a shafin sa na Instagram ya ce soyayyar ta fara ne bayan Abdul ya yi tsokaci akan hoton Affiya
Jihar Jigawa - Dan gwamnan jihar Jigawa, Alhaji Mohammed Badaru Abubakar ya zama angon zankadediyar budurwar sa a ranar 11 ga watan Satumba bayan haduwar su a wata kafar sada zumuntar zamani ta Snapchat.
Kamar yadda LIB ta ruwaito, mai hoton bikin su, Atilary ne ya wallafa hakan a shafin sa na Instagram a ranar Talata, 21 ga watan Satumba, inda ya bayyana cewa soyayyar ta su ta fara ne a kafar sada zumunta bayan Abdul ya yi tsokaci akan hoton ta.
Gagarumin sako zuwa Kudu maso Gabas: Ku rungumi APC ko ku rasa dama a 2023, Tsohon dan majalisa yayi gargadi
Waye ya ce soyayyar kafar sada zumunta karya ce?
Kamar yadda mai hoton ya wallafa:
“Waye ya ce soyayyar kafar sada zumuntar zamani karya ce? Soyayyar ta fara ne tun bayan Abdul ya ga hoton ta a Snapchat ya rude ya yi mata tsokaci da “cutie” ma’ana kyakkyawa. Kuma a ranar ya ce ya hadu da matar sa kuma ga shi ya tabbata.”
LIB ta ruwaito yadda mai hoton ya wallafa kyawawan hotunan su masu daukar hankalin mai kallo.
Saurayina da muka yi shekaru 4 tare ya yi wuf da ƙawata da suka haɗu cikin watanni 6, Budurwa
A wani labarin akasin wannan, kun ji cewa wata budurwa ta garzaya dandalin sada zumunta na zamani inda ta bayyana yadda saurayin ta ya yaudare ta, rahoton LIB.
2023: Fitaccen dan majalisar arewa ya bayyana dalilin da ya sa APC ke zawarcin Jonathan, ya yi magana akan kudirin Tinubu
A cewar ta ya yanke shawarar auren wata daban wacce ya hadu da ita ta wurin budurwar sa cikin watanni 6 kamar yadda LIB ta ruwaito
Budurwar, wacce ‘yar kasar Afrika ta Kudu ce ta bayyana yadda duk da sun kwashe shekaru 4 kwatsam ya juya mata baya.
Asali: Legit.ng