Rahoto: Jerin manyan Jami’o’i 20 da suka yi fice a Najeriya a shekarar 2021, 4 rak aka samu a Arewa

• Kwanan nan Webomotrics ta fito da jerin jami’o’in da suka fi kowane kyau a 2021
• Legit.ng ta fahimci cewa babu jami’o’in Arewa da yawa a wannan jeri da aka fitar

Webometrics ta fitar da jerin jami’o’in da suka fi kowane kyau a Najeriya a wannan shekara ta 2021. A kan fitar da irin wannan jeri a duk shekara.

Kamar yadda muka samu labari, Webometrics ta saki wannan jeri ne a watan Yulin 2021 kamar yadda ta saba yin bincike a kan makarantun Duniya.

Jami'o'in kudu sun yi gaba

Legit.ng ta samu wannan rahoto da aka fitar, inda ta fahimci cewa jami’o’in kudancin Najeriya ne a kan gaba, musamman na yankin kudu maso yamma.

Jami’ar Ibadan ta zo ta farko a wannan karo, sai jami’ar Covenant ta ke biye da ita. Jami’ar da aka rufe kofar sahu na ukun farko ita ce ta Obafemi Awolowo.

Kara karanta wannan

Harin yan bindiga kan makarantar sojoji abun kunya ne – Kungiyar ACF

Ko da jami’o’in Ibadan da ta Obafemi Awolowo na gwamnatin tarayya ne, jami’ar Covenant da ke Ota, jihar Ogun, da ta yi fice a yau, mallakar ‘yan kasuwa ce.

Jami’o’in da suka zama na hudu da na biyar a jeringiyar shekarar bana sune; jami’ar Najeriya watau UNN ta Nsukka da jami’ar Legas da ake kira UNILAG.

Mafi yawan wadannan jami’o’i sun fito ne daga garuruwan Yarbawa irinsu Ibadan, Legas, Ogun, Ondo, Oyo, da kuma Ekiti, sune su ka dauke 50% na jami’o’in.

Ina makarantun Arewa suka shiga?

Za a fahimci an samu karancin jami’o’in Arewacin Najeriya a jerin. Jami’o’in Ahmadu Bello, da Bayero da jami’ar fasaha ta Minna kadai suka shiga jerin bana.

Daga yankin na Arewa, jami’ar ‘yan kasuwa daya kadai aka samu a shekara nan, ita ce jami’ar Landmark University da ke garin Omu-Aran a jihar Kwara.

Kara karanta wannan

Wadanda suka halarci walimar Yusuf Buhari da Zahra Bayero sun samu Iphone 12 Pro, Ipad

A Kudu maso gabas da kudu maso kudu an samu jami’o'in Fatakwal, ta Kalaba, Benin, Owerri da Uyo.

Ya abin yake?

1. University of Ibadan

2. Covenant University

3. Oba Obafemi Awolowo University

4. University of Nigeria

5. University of Lagos

6. University of Port Harcourt

7. Ahmadu Bello University

8. Federal University of Technology Akure

9. Landmark University

10. Federal University of Technology Minna

11. Bayero University Kano

12. Ladoke Akintola University of Technology

13. University of Calabar

14. University of Benin

15. Adekunle Ajasin University

16. Ekiti State University Ado Ekiti (University of Ado Ekiti)

17. Olabisi Onabanjo University (Ogun State University)

18. University of Uyo

19. Nnamdi Azikiwe University

20. Federal University of Technology Owerri

Auren 'dan shugaban kasa

Ku na da labarin yadda Iphone da Ipad suka zama kayan tukwuici a bikin Zahra Nasiru Bayero da Yusuf Buhari wanda aka daura a garin Bichi a makon da ya wuce.

Kara karanta wannan

Majalisar Dinkin Duniya ta tono sirrin Gwamnatin Tarayya wajen kawo karshen yakin Boko Haram

Jama’a suna ta surutai a kan wayoyi da irin kayan da aka raba wa wadanda suka je walimar bikin.

Asali: Legit.ng