Ku rika baiwa mazajenku na aure mama suna sha, Masana kiwon lafiya ga mata
- An yi kira ga mata su rika kula da mazajensu kamar jarirai
- Masana sunce shan mama na kara dankon auratayya kuma yana taimakawa matan
- Musamman masu juna biyu, zai saukake musu shayarwa bayan sun haihu
Wata Masaniya kiwon lafiya kuma babbar Malamar jinya a jihar Legas, Mrs Rseline Oladimeji, a ranar Alhamis ta shawarci mata masu juna biyu su bari mazajensu suna sha musu mama.
A cewarta, wannan na da muhimmanci sosai domin shiryawa shayar da jariran da zasu haifa.
Oladimeji ta bada wannan shawara ne a wani shirin wayar da kan mata da aka yi don murnar zagayowar ranar shayarwa ta duniya, rahoton NAN.
Tace:
"Ku bar mazajenku su sha nononku yayinda kuke da ciki. Bayan dankon soyayya da hakan ke karawa, zai taimakawa kan nonon fitowa don shayar da jaririnku."
"Hakazalika zaku iya shafa man Vaseline a dare kafin barci. Hakan na taimakawa wajen tausasa kan nono."
Ta yi kira ga mata su shiryawa shayarwa domin gujewa matsalar rashin ruwan nono bayan haihuwa.
Ta kara da cewa sinadarin 'Colostrum' , wani ruwa mai kalan ruwan kwai dake fitowa bayan haihuwa na dauke da wasu sunadarai masu kara karfin garkuwan jikin jariri.
"Shima abin ruwan nono ne," tace.
Oladimeji ta gargadi mata kan cin wasu nau'ikan abinci da magunguna da ka iya cutar da jariransu idan suka fara shayarwa.
Ta bayyana cewa shan giya domin kara ruwan nono na da illa saboda yaron zai rika shan giyan daga nonon.
Asali: UGC
KU RIKA CIN ABINCI MAI LAFIYA
Wata masaniyar nau'ikan abinci, Ms Gbemisola Ogungipe, ta shawarci iyaye masu shayarwa su rika cin abinci mai lafiya kuma su rika shan ruwa sosai.
Tace:
"Mace mai shayarwa ta rika cin nama, kifi, kwai da ganye a abincinta. Hakazalika ta rika shan lemu da kayan itace."
"Ta rika shan abubuwan ruwa irinsu madara, yoghurt, ice cream da koko."
Asali: Legit.ng
