Cikin Hotuna: Yan ta'addan Boko Haram sun kwace motocin yan sanda a Borno

Cikin Hotuna: Yan ta'addan Boko Haram sun kwace motocin yan sanda a Borno

- Yan ta'addan Boko Haram sun kai wa yan sandan Nigeria hari a Borno

- Sun kwace motoci biyu na yan sanda a yayin harin

- Hakan ya faru ne yayinda suka kai hari chek point din yan sandan

Kungiyar ta'addan Boko Haram ISWAP, masu lakani da Jamā'at Ahl as-Sunnah lid-Da'wah wa'l-Jihād, sun ragargaza motoci biyu da kungiyar ta kwato daga yan sandan Nigeria.

A wani jawabi da kungiyar ta saki wanda SaharaReporters ta gani ranar laraba, sun kwaci motocin ne yayinda kungiyar ta kai hari wani chek point din yan sanda a hanyar Maiduguri-Chabal-Magumeri a jihar Borno.

Kauyen Chabal a karamar hukumar Magumeri yana da kilo mita 22 daga tashar Maimalari, 7 na marabar sojojin Nigeria a Maiduguri.

KU KARANTA: 'Mu ma abin ya ishe mu', 'Yan Bayelsa sun nemi a fattaki makiyaya daga jiharsu

Cikin Hotuna: Yan ta'addan Boko Haram sun kwace motocin yan sanda a Borno
Cikin Hotuna: Yan ta'addan Boko Haram sun kwace motocin yan sanda a Borno Credit: Saharareporters.com
Asali: UGC

A jawabin da yan ta'addan suka saki sun bayyana cewa sunyi garkuwa da yan sanda da mutane da yawa a yayin harin.

A baya mun samu labari daga SaharaReporters yadda yan ta'addan suka kashe yan sanda biyu da wani mutum a kauyen Chabal.

"Yanzu muka samu labari cewa yan ta'addan Boko Haram sun kai wa wasu yan sanda hari a kauyen Chabal. An kuma harbi wani dan sa kai. An tura Sojoji daga Maimalari zuwa wajen," wata majiya daga sojoji ta fadawa SaharaReporters ranar Lahadi.

A watannin baya, yan ta'addan sun sha san farmakar jami'an tsaro.

KU KARANTA: Gwamnatin Kano ta hana Sheikh Abduljabbar Nasiru Kabara wa'azi a jihar

Mutane sama da 30,000 sun mutu a sanadiyyar Yan ta'addan Boko Haram sannan sun raba miliyoyin mutane da gidajensu a jihohin Adamawa, Borrno da Yobe.

Bukatar su, suna san kalifa na musulunci a arewacin Nigeria.

Yan ta'addan sun kuma lalata wani sabon makamin yaki da suka kwato daga sojojin Nigeria wancan watan.

Sun kuma lalata wani FV103 Spartan APC duk da suka kwato a wajen sojoji.

Idan ku na da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Asali: Legit.ng

Online view pixel