Dan Najeriya ya gina katafaren gida da robobin lemu da ruwa cike da kasa (Hotuna)

Dan Najeriya ya gina katafaren gida da robobin lemu da ruwa cike da kasa (Hotuna)

- Yahaya Ahmed, injiniya ne dan Najeriya wanda yayi amfani da gororin ruwa da na lemu wurin gina gida

- Ahmed ya ce gidan karkonsa ya fi na bulo sau ashirin kuma zai iya yin shekaru 300 bai lalace ba

- Injiniyan ya ce ya kirkiri wannan fasahar ne domin ya rage yawan gororin roba da ke lalata muhalli

Yahaya Ahmed injiniya ne dan Najeriya wanda ya gina gida da robobin ruwa da na lemu 14,800 da ya cika da kasa a Kaduna a matsayin bulk.

Premium times ta ruwaito cewa Ahmed darakta ne a wata kungiyar taimakon kai da kai mai suna Developmental Association of Renewable Energies in Nigeria (DARE).

Legit.ng ta gano cewa injiniyan ya ce da taimakon 'yan kungiyarsa suka gina gidan kuma sun yi hakan ne domin karfafa guiwar amfani da duk wasu nau'in kayan da za a iya sake amfani da su bayan an yi amfanin farko, samar da aikin yi da kuma tabbatar da muhalli mai kyau.

Dan Najeriya ya gina katafaren gida da robobin lemu da ruwa cike da kasa (Hotuna)

Dan Najeriya ya gina katafaren gida da robobin lemu da ruwa cike da kasa (Hotuna). Hoto daga @OfficialAHCN
Source: Twitter

KU KARANTA: Da duminsa: Alkalin farko na kotun daukaka karar Shari'ar Musulunci na jihar Kwara ya rasu

A yayin bayanin yadda aka gina gidan, Ahmed ya ce ma'aikata sun dinga cika robobin ruwan da na lemu da kasa kuma suka hada su kai da kai.

Ya ce wannan ginin shine na farko irin shi da aka fara yi a Afrika kuma yana da matukar arha domin kuwa a titi ake tsintar kayan ginin ko kuma bola.

Gidan yana da dakunan bacci uku, bandaki da madafi. Ahmed ya ce ya fi gidan bulo karko sau ashirin kuma zai iya daukar shekaru 300 bai lalace ba matukar an gina shi yadda ya dace.

Kamar yadda yace, harsashi, ruwa da girgizar kasa basu iya yi wa gidan komai kuma zai iya jure sauyin yanayi kowanne iri.

Ahmed ya ce duk wanda ya iya gini zai iya gina irin wannan gidan kuma kungiyarsa ta horar da matasa masu tarin yawa.

KU KARANTA: Kotu ta bada umarnin kwace kudaden bankunan tsohon gwamnan Zamfara

A wani labari na daban, Jam'iyyar PDP ta kwatanta canja tsofaffin shugabannin tsaro da shugaba Muhammadu Buhari yayi a matsayin makararren mataki, don jama'a sun riga sun cutu, Daily Trust ta ruwaito.

PDP ta bukaci a yi gaggawar bincike akan yadda tsofaffin shugabannin tsaron suka tafiyar da ayyukansu lokacin da suke kan kujerunsu, saboda tana zargin suna da hannu dumu-dumu akan satar kudaden da aka ware musamman don tabbatar da walwalar rundunoni a filayen daga.

A wata takarda ta ranar Talata, sakataren yada labaran jam'iyyar, Kola Ologbondiyan ya ce "Daga baya kenan, sadaka da karuwa. A cewarsa sun riga sun janyo rikicewar kasa da asarar rayuka."

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Online view pixel