Labarai

Da duminsa: Kamfanin Pfizer ya samar da riga-kafin cutar korona

Litinin, Nuwamba 09, 2020 at 2:17 Yamma daga Mudathir Ishaq 2 - tsawon mintuna

- Kamfanonin Pfizer da na BioNTech sun tabbatar da samar da riga-kafin cutar korona

- Kamar yadda suka bayyana, riga-kafin an gwada shi a kasashe shida a fadin duniya

- An gwada shi a kan mutum 43,500 inda aka san yana bai wa a kalla mutum kashi 90 kariya

Kamfanin Pfizer da BioNTech ta ce ta samar da riga-kafin cutar korona na farko da zai iya bai wa a kalla kashi 90 na jama'a kariya daga samun cutar.

Kamar yadda The Cable ta wallafa, an gwada riga-kafin a kan mutum 43,500 a kasashe shida kuma babu wata matsala da aka samu.

Ana bada riga-kafin sau biyu amma makonni uku tsakani, kamar yadda aka gwada a Amurka, Jamus, Brazil, Argentina, South Afrika da Turkiyya. Hakan ya nuna cewa, ana samun kariya daga cutar bayan mako daya da amfani da shi.

Ana tsammanin samun wannan riga-kafin zai zamo wata hanyar samun sakat ta duniya bayan barnar da cutar ta dade tana yi.

KU KARANTA: Da duminsa: El-Rufai ya yi magana a kan fastocinsa na takarar shugabancin kasa

Najeriya da wasu kasashe masu tarin yawa sun saka takunkumi a matsayin hanyar dakile yaduwar cutar wacce ta kashe mutum 1,263,787 a fadin duniya.

Kamar yadda Pfizer tace, za ta samar da riga-kafin da zai isa mutum miliyan 50 zuwa karshen 2020 kuma za ta kai har 1.3 biliyan zuwa karshen 2021.

Da duminsa: Kamfanin Pfizer ya samar da riga-kafin cutar korona. Hoto daga @TheCable
Asali: Twitter

KU KARANTA: Magidanci ya yi basaja a kafar sada zumunta, ya nemi lalata da matarsa, ta amince

A wani labari na daban, wasu malamai 5 da dalibi daya, sun kamu da cutar COVID-19 a wata makarantar sakandare da ke jihar Legas. Gwamnatin jihar Legas ta sanar da hakan a ranar juma'a, jaridar The Punch ta wallafa.

Kamar yadda takardar mai taken jihar Legas ta tabbatar da samun wasu masu cutar COVID-19 a wata makarantar sakandare kuma kwamishinan lafiya, Farfesa Akin Abayomi ya tabbatar da hakan.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng