Kwamishinar Kaduna ta yi karin haske game da kudin kula da masu COVID-19

- Gwamnatin Kaduna ta bayyana yadda kudin jinyar COVID-19 ta ke tafiya

- Malam Nasir El-Rufai ne ya yi bayani ke-da-ke-ke a shafinsa na Facebook

Gwamnatin jihar Kaduna ta fito ta yi bayani daki-daki na duk kudin da ake kashewa wadanda su ka kamu da cutar COVID-19, har su kammala jinya a gadon asibiti.

Hakan na zuwa ne bayan wasu sun fara nuna rashin yarda game da maganar da gwamna Nasir El-Rufai ya yi, na cewa ana kashewa duk maras lafiya N400, 000.

Mai girma Malam Nasir El-Rufai ya fito da wannan bayani a shafinsa na Facebook a ranar Lahadi.

Kwamishinar lafiyar jihar Kaduna, Amina Mohammed-Baloni, ta sa hannu a wannan jawabi da ya tabbatar da yadda gwamnati ta ke kashe N430, 000 kan duk mai jinya.

Jawabin Dr. Amina Mohammed-Baloni ya ce gwamnati ta yi haka ne bayan surutan da jama’a su ka fara yi da jin labarin irin kudin da ake kashewa wajen jinyar wannan cutar.

KU KARANTA: COVID-19: Gwamnati ta tsare wadanda su ka biyo ta Kaduna

1. Kudin da ake kashewa kafin a kwantar da mutum a gadon asibiti (Kudin kayan gwaji – N20, 000, VTM – N800, kwalbar daukar majina – N200, sandar daukar majina – N650.)

= N21, 650

2. Rigunan PPE

= N2, 400

3. Abinci

= N24, 000

4. Daukar maras lafiya zuwa wajen jinya

= N3, 500

5. Magungunan taimakawa mai COVID-19

= N 6, 000

6. Magungunan da ake sha idan abu ya cabe

= N 6, 000

7. PPE

= N 48, 000

8. Kudin wanki, sukola, lantarki, kayan aiki, da sauransu

= N 77, 000

KU KARANTA: COVID-19: Za mu iya sake rufe Kaduna idan... - El -Rufai

9. Gwaje-gwaje (wanda ake yi daga baya)

= N43, 300

10. Kudin da ake kashewa wajen neman wadanda aka yi hulda da su

= N3, 500

11. Kudin yi wa wadanda aka yi hulda da su gwaji (mutum 5)

= N108, 250

12. Sallama (Sa wa maras lafiya ido na kwanaki 14)

13. Dakunan jinya (Kudin gyara, na’urori da kayan aiki) a Kakuri, Kafanchan da Zariya

=N45, 221

14. Kudin abin da ba a rasa ba (Watan Mayu da Yuni)

= N47, 636

Adadin kudi: N436, 457

Kwanaki kun ji yadda wani jariri da ya kamu da COVID-19 a Kaduna ya warke.

Idan ku na da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Asali: Legit.ng