Mazauna Katsina sun sake gudanar da zanga-zanga kan hauhawan rashin tsaro

Mazauna Katsina sun sake gudanar da zanga-zanga kan hauhawan rashin tsaro

Fusatattun matasa a safiyar yau Alhamis, 6 ga watan Agusta sun toshe babban hanyar Kankara-Katsina, inda suka gudanar da zanga-zanga a kan hare-haren da ‘yan bindiga ke kai wa garuruwansu.

Mutanen sun yi amfani da manyan reshen bishiyoyi wajen kewaye hanyar kauyen Marken Dogon Ruwa a karamar hukumar Dutsima, inda suka dunga komar da masu motoci daga bangarori biyu na hanyar.

A yanzu haka daruruwan masu motoci da masu tafiya suna nan sun yi cirko-cirko a hanyar.

‘Yan fashi sun kai mamaya kauyukan Sanawa, Bera, Turare da Dogon Ruwa da ke karamar hukumar Dutsinma a daren ranar Laraba.

Mazauna Katsina sun sake gudanar da zanga-zanga kan hauhawan rashin tsaro

Mazauna Katsina sun sake gudanar da zanga-zanga kan hauhawan rashin tsaro Hoto: Daily Trust
Source: UGC

Jaridar Daily Trust ta ruwaito cewa wata tawagar ‘yan sanda daga rundunar tsaron ta isa wajen, inda take kokarin tausar mutanen domin a bude hanyar.

Wannan shine karo na biyar da mazauna Katsina ke zanga-zanga kan rashin tsaro a jihar cikin watanni biyu da suka gabata.

An gudanar da zanga-zanga a garin Daddara da ke karamar hukumar Jibia, Yantumaki da ke karamar hukumar Danmusa da kuma Yankara da ke karamar hukumar Faskari.

KU KARANTA KUMA: Kada ku raba kan ahlinmu – Iyalan Obaseki sun karyata goyon bayan Ize-Iyamu

A baya mun ji cewa Gwamna Aminu Bello Masari na jihar Katsina ya gana da shugaban kasa Muhammadu Buhari a fadarsa da ke Abuja a ranar Laraba.

Masari ya ce ba za a bari kallubalen tsaro da ake fama da ita a jihohin Arewa maso Yamma da Arewa maso tsakiya ya tabarbare kamar matsayin da Boko Haram ya kai a Arewa maso Gabas.

Masari ya yi wannan jawabin ne yayin da ya ke amsa tambayar manema labarai a gidan gwamnatin bayan kammala taro da Shugaba Muhammadu Buhari a Abuja.

Ya ce a halin yanzu ana daukan dukkan matakan da suka dace domin kawo karshen hare haren yan bindiga da wasu laifukan a yankin na Arewa maso Yammacin kasar.

Gwamnan ya ce za a samu amfanin gona mai kyau a bana duk da cewa yan bindiga da wasu bata gari sun adabi manoma a kimanin kananan hukumomi tara a jihar ta Katsina.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Source: Legit.ng

Online view pixel