Tsohon ministan Shagari daga jihar Adamawa ya mutu

Tsohon ministan Shagari daga jihar Adamawa ya mutu

Tsoho sanatan Najeriya daga jihar Adamawa, Paul Wampana, ya mutu.

Rahotanni sun bayyana cewa Wampana ya mutu a cikin barcinsa da safiyar ranar Lahadi a gidansa Abuja, kamar yadda makusancinsa, Sylvester Ahmadu, ya shaidawa SaharaReporters.

Marigayin, wanda aka haifa a a garin Vimtim da ke karamar hukumar Mubi ta jihar Adamawa, ya taba rike shugaban majalisar dokokin tsohuwar jihar Gongola a jamhuriyya ta biyu.

Bayan kasancewarsa tsohon sanata mai wakiltar gabashin Adamawa, Wampana ya rike mukamin ministan lafiya lokacin mulkin tsohon shugaban kasa marigayi Shehu Shagari a shekarar 1983.

Tsohon ministan Sahagari daga jihar Adamawa ya mutu

Marigayi Paul Wampana Hoto: SaharaReporters
Source: UGC

A wani labarin mai nasaba da wannan da Legit.ng ta wallafa, kwamishinan kasa da gidaje, Surajo Gatawa, ya mutu da yammacin ranar Lahadi, kamar yadda jaridar TheCable ta rawaito a daren nan.

Jaridar ta ce wata majiya a gidan gwamnatin jihar Sokoto ta tabbatar da mutuwar kwamishinan, sai dai ta ce majiyar ba ta bayar da karin bayani ba.

DUBA WANNAN: Daga yanzu takunkumi ya zama dole a Kano, masu kunnen kashi zasu je kurkuku - Ganduje

.Wata majiya ta sanar da TheCable cewa an yi jan'izarsa da misalin karfe 7:00 na dare a gidansa da ke kan titin Sama daura da Babban Tanki a Sokoto.

Marigayin na daya daga cikin kwamishinoni 26 da gwamnan jihar Sokoto, Aminu Waziri Tambuwal, ya nada a watan Nuwamba, 2018.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit.ng

Online view pixel