Labarai

Ganduje ya nada sabon sarkin masarautar Rano a Kano

Talata, Mayu 05, 2020 at 7:40 Yamma daga Mudathir Ishaq 2 - tsawon mintuna

- Gwamna Ganduje ya amince da nadin, Kabiru Inuwa, hakimin karamar hukumar Kibiya, a matsayin sabon sarkin Rano

- Sakataren gwamnatin Kano, Alhaji Usman Alhaji, ya ce Inuwa na daga cikin sunayen mutane uku da ma su nada sarki a masarautar Rano su ka aikawa gwamna Ganduje

- Masarautr Rano ta na daya daga cikin sabbin masarautu hudu da gwamna Ganduje ya kirkira a jihar Kano

Gwamnatin jihar Kano ta amince da nadin hakimin karamar hukumar Kibiya, Kabiru Inuwa, a matsayin sabon sarkin masarautar Rano.

Sakataren gwamnatin jihar Kano, Alhaji Usman Alhaji, ne ya sanar da hakan da yammacin ranar Talata yayin wata ganawarsa da manema labarai a Kano.

Alhaji ya ce Inuwa na daya daga cikin sunayen mutane uku da ma su alhakin nada sarki a masarautar su ka aikowa gwamnatin jiha.

Sauran mutane biyu da aka aiko da sunayensu su ne; Muhammadu Umar; hakimin karamar hukumar Bunkure da Munir Abubakar; chiroman Rano.

Gwamnan jihar Kano, Dakta Abdullahi Umar Ganduje, ya bukaci sabon sarkin ya kasance mai jajircewa wajen tabbatar da adalci a tsakanin talakawansa.

Ganduje ya nada sabon sarkin masarautar Rano a Kano — Marigayi tsohon sarkin Rano
Asali: Twitter

A ranar Asabar, 02 ga watan Mayu, ne Allah ya yi wa tsohon sarkin Rano, Tafida Abubakar Ila (Autan bawo), rasuwa. Ya rasu ya na da shekaru 74 a duniya.

DUBA WANNAN: 'Yan bindiga ma su hijabi sun saki basarake Abdullahi Magaji bayan biyan kudin fansa

A ranar Juma'a, 01 ga watan Mayu, aka kwantar da tsohon sarki Ila a asibitin koyarwa na Malam Aminu (AKTH) da ke birnin Kano bayan ya kamu da wata rashin lafiya da ba a bayyanata ba.

Dag bisani an mayar da shi asibitin kwararru da ke Nasarawa a birnin Kano, inda ya mutu washegari, ranar Asabar.

Masarautr Rano na daya daga cikin sabbin masarautu hudu da gwamna Ganduje ya kirkira a jihar Kano.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kano Sarkin Kano Muhammad Sanusi Ii Nadin Sarauta