Labarai

4 a cikin 'yan Najeriya 10 su na fama da talauci - Kididdigar NBS ta nuna karuwar talauci da kaso 40

Litinin, Mayu 04, 2020 at 7:43 Yamma daga Mudathir Ishaq 2 - tsawon mintuna

- NBS, hukumar kididdiga ta gwamnatin tarayya, ta wallafa rahoton alkaluman talauci a Najeriya na shekarar 2019

- A cewar rahoton NBS, kaso 40.1 na jimillar 'yan Najeriya su na fama da talauci, hakan na nufin cewa fiye da 'yan Najeriya miliyan 82.9 talakawa ne

- Jihohi uku ma su karancin talauci a Najeriya sune; Lagos da kaso 4.5%, Delta da kaso 6.0% da jihar Osun mai kaso 8.5%

Hukumar kididdiga ta kasa (NBS) ta wallafa rahoton alkaluman talauci a Najeriya na shekarar 2019.

A cikin rahoton da NBS ta saki ranar Litinin, 04 ga wata, ta ce akwai talakawa hudu a duk cikin mutane 10 a Najeriya.

Rahoton NBS ya nuna cewa kaso 40.1 na jimillar 'yan Najeriya su na fama da talauci. Hakan na nufin cewa fiye da 'yan Najeriya miliyan 82.9 talakawa ne a sikelin auna talauci a cikin kasa.

A cikin rahotonta na taba ka lashe da ta fitar, NBS ta ce mutane 4 a cikin 'yan Najeriya 10 su na samun kudin shiga da yawansu ya gaza N137,430 (kwatankwacin $353) a shekara.

4 a cikin 'yan Najeriya 10 su na fama da talauci - Kididdigar NBS ta nuna karuwar talauci da kaso 40 — Makarantar 'ya'yan talakawa
Asali: Twitter

NBS ta ce za ta fitar da cikkaken rahoto a kan talauci a Najeriya nan gaba kadan.

Hukumar ta bayyana cewa ta ware jihar Borno, mai fama da rikicin Boko Haram, daga cikin alkaluman talauci a Najeriya, na shekarar 2019, da ta fitar.

DUBA WANNAN: Annobar covid-19 ta hallaka mai juna biyu da mijinta ya shafa mata cutar a jihar Jigawa

A cewar NBS, ta ware Borno ne saboda rashin samun shiga cikin wasu yankunan jihar yayin tattara bayanai da alkaluma.

Jihohi uku da ke sahun gaba a yawan talakawa a Najeriya sune; Sokoto da kaso 87.73%, Taraba da kaso 87.72 da Jigawa mai kaso 87.02.

Jihohi uku ma su karancin talauci a Najeriya sune; Lagos da kaso 4.5%, Delta da kaso 6.0% da jihar Osun mai kaso 8.5%.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Legas Jihar Sokoto Abun Bakin Ciki