Labarai

Kaduna: 'Yan sanda sun kama wani matashi da ya yi batanci ga Annabi a dandalin sada zumunta

Laraba, Afirilu 29, 2020 at 12:18 Safiya daga Mudathir Ishaq 2 - tsawon mintuna

Rundunar 'yan sanda a jihar Kaduna ta kama wani matashi mai suna Mubarak Bala bisa zarginsa da yin batanci ga addinin Islama.

An kama matashin ne bayan wata kungiyar lauyoyi ta shigar da korafi a ofishin kwamishinan 'yan sanda na Kano bisa zarginsa da cewa ya zagi annabi Muhammad a shafinsa na 'facebook'.

Korafin lauyoyin, mai dauke da sa hannun S.S Umar ya bayyana cewa, "mun kawo korafi ne a kan wani mai suna Mubarak Bala dan unguwar Karkasara a Kano.

"An haifi Mubarak a gidan Musulunci amma saboda wasu dalilai na kashin kansa sai ya zabi ya bar addinin, ya zama marar addini, a 2014. Tun da ya bar addini ya ke wallafa sakonnin da basa yi wa Musulmai dadi a shafinsa na 'facebook'.

Wata majiya ta ce wasu jami'an 'yan sanda ne guda biyu, a cikin fararen kaya, suka je har gida suka kama Mubarak tare da tafiya da shi ofishinsu mafi kusa da gidan da yake zaune a Kaduna.

Kaduna: 'Yan sanda sun kama wani matashi da ya yi batanci ga Annabi a dandalin sada zumunta
Asali: Twitter

Wani mamba a wata kungiya da Mubarak ke zaman shugaba ya shaidawa manema labarai cewa suna bukatar a gaggauta sakinsa ba tare da wani bata lokaci ba.

"Mun damu matuka da kama shugabanmu, Mubarak Bala, da aka yi.

DUBA WANNAN: Mun sakarwa shugabannin Boko Haram bama-bamai yayin da suke taro a jihar Borno - DHQ

"Watakila rundunar 'yan sandan Kaduna za ta mika shi hannun 'yan sanda a Kano, inda ake so a gurfanar da shi a gaban kotu saboda suna aiki da dokar Musulunci ta kashe ma su batanci ga addini.

"Mu na rokon babban sifeton rundunar 'yan sanda da gwamnan jihar Kaduna, Mallam Nasir El-Rufa'i, a kan su saka baki domin a gaggauta sakinsa," a cewarsa.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kaduna Jihar Kano Gwamnan Jihar Kaduna Nasir El-Rufai